حبيت احط الكم طريقة برياني اللحم اللي سويته حق ريلي الله يحفظه لي…
اتمنى تعيبكم الطريقه وادعولي….
اول شي المقادير.
– روب – فلفل احمر – ملح- لومي- ثوم وزنجبيل وفلفل اخضر مدقوقين- بصل مقطع جوانح- حبة طماطم- غرم مسالا – ورق غار- بهارات برياني-
الطريقه:
اول شي يبت اللحم وغسله ونظفته. وحطيت عليه الروب
ثاني شي حطيت عليه الملح والفلفل الاحمر والكركم وحبتين لومي عصريتم عليه.. والثوم والزنجبيل والفلفل الاخضر حطيته فوق اللحم وخلطه
وعقب لحفته وخليته فالثلاجه من فليل..
اليوم الثاني …
يبت البصل الجوانج وقليته لين يحمر وحطيت عليه الثوم والزنجبيل والفلفل الاخضر وورق غار
وغرام مسالا وحبة طماط حركته وحطيت عليه حبتين ماجي وكركم شوي وفلفل احمر وقرون فلفل اخضر
وعقب حطيت عليه اللحم المودن
وقلبته شوي وخليته مده ساعه ونص لين ما يستوي اللحم واذا شفتي انه الروب خف حطي نص كوب ماي
في اثناء استواء اللحم
سويت العيش المفور مع بهارات الحب..
بعد استواء اللحم والعيش,,
سويت طبقات..
اول طبقه حطيت ملعقة سمن وعقب عيش وعقب خلطة اللحم ونعيد نفس الحركه.
وتركته يتسكر مده 10دقايق
وهذا شكله النهائي..
اتمنى انه يعيبكم ولاتنسوني من الدعاء
تسلم ايد امج 
ماشاء الله
واصلينا بطبخاتك وطبخات امك
ودمتي ياقلبي
طريقه حلوه في البرياني
تسلم اديج