بسافر علاج المانيا

وصلتني رسالتج بس شفت موضوعج و قلت برد عليج هنيه ^.^

بالنسبة للسكن بما انكم انتي و ريلج و البيبي انصحكم تسكنون في شقق اطلس

انا خبرتج عنها من قبل في المسن و اذا تبغين اقدر ارمسهم و احجزلج شقة حلوة و كبيرة لني شايفه معظم الشقق و ساكنه فيهم لول

و السعر شرات ما قلتلج 70 يورو للشقة ام غرفة نوم وصالة ومطبخ وحمام .. يعني 350 درهم تقريباً

و هذا موقعهم على النت :

https://www.atlas-residence.com/en/ga…residence.html

بتحصلين فيه الصور و الرقم و المعلومات

و بالنسبة للمستشفى و المواعيد شرات ما قلتلج احسن شي ترمسون المكتب الصحي للملحقية الإماراتية في ميونخ و هذي أرقامهم :

004989419770

004917680271166

00498941977133

اتصلي فيهم و خبريهم عن حالة ريلج و بيطلبون منكم التقارير الطبيه طرشوها ع الفاكس و بياخذون له موعد عند البرفسور المناسب ..

مستشفياتهم ممتازة جداً و علاجهم واايد زين

اممم بخصوص البشكارة ما انصحج تاخذينها لان انتو بس 3 و بتدبرون عماركم و البيبي صغير فديته ما يمشي و ما بتتعبين وياه ان شاء الله

اما الاغراض اللي تاخذينها اهم شي الملابس الشتوية الثجيله والدافيه واايد لان درجة الحرارة احياناً توصل – 10 ! بس على فكره بردهم حلوو و ما يمرّض الحمدلله يعني لا زجام ولا كحة ولا احتقان من اول ما وصلنا نطلع و نرجع عادي الأمور طيبه .. و طبعاً البيبي لازم اتدفيينه زين ما زين و ماعليه شر ان شاء الله

و لا تنسين حليب ولدج اذا تعطينه حليب صناعي خذي وياج كميه كافيه حق المدة كلها لأن ما بتحصلين هنيه عندهم ..

و لا تفكرين تاخذين وياج نعول مفتوحه او كعب وهالسوالف لا لا الدلع والكشخه ما تنفع هنيه ههههه خذيلج جواتي بوت دافيه بالألوان الاساسية يعني الاسود والبني والبيج والرمادي

و ما انصحج تلبسين عباه لان الجو ما يساعد ابد و بتتبهدلين ويا الثلج والمطر و اصلاً ماشي عرب في الشتا .. خذيلج كوت طويل لين الركب بـ كم لون ويا جنزات غليظه و لازم كم قطعه تحت الكوت و قفازات و شالات و بجامات مخمل و سكارفات شتويه

و اذا عندج اي استفسار انا في الخدمه ^_*