اخويه عنده ولد عمره حاليا شهرين…الله يحفظه! المشكله الي عدنا امه..هيه امه!
الولد مايتكرع بعد الرضاعه …يوم مرض (ولين الحين مريض) امه مارضت اتوديه المستشفى و المسكين يته حساسية و زكام و حمى…الا بعد ماطفرنا و خبرنا ابوه و احتشر على حرمته…و بعد فرت الولد انتو ودوه انا مابوديه!!!
سبوح مايتسبح…ثيابه عادي ب3 ايام ماتتبدل ..واذا اتبدل ترى نفس الاربع البدلات ماغيرهم حفظناهم ..لبسة النجوم + الارنب + المربعات + و الحيوانات! ماعنه الكبت متروس ثياب من غير الهدايا.
يتنوم بغرفة النوم بارده انا يوم ادش اطلع ماتحملها من البروده و هو المسكين ايتم فيها بالساعات..و طبعا مو قاعد الزجام ايخوز عنه!
و المسكين يوميه ايصيح من الغازات الي في بطنه! وماشي فايده عناد و الي طفربي الجذب الي صار البارحة..اختي المعرسة تسألها اذا تعطي ولدها دوا للزجام..لانه امبين عنده مشكله في التنفس…الرد الي ياها "الدكتور ماعطاه شي" و انا من القهر يلست اضحك!!! و خاصة انه الدوا محطوط في الصالة جدامي و اشوفه!!! بس الحبيبة ماتبغي تعطيه!! اتعاند في نفسها بولدها بصحته!
لاحد ايقول كلموها…لانه الكل ايكلمها و خالتي من يومين اهزبتها اهزاب …لانه حالة الولد مب حاله!
السالفة و مافيها عندها وحده من الاهل اتكلمها و تاخذ بنصيحتها!! و خرابتنها خراب!
الي ابغي افهمه ليش و شو المصلحة بالضبط من اربيعات السوء! يعني حتى كلام الدكتور اتعقينه بالزباله علشان فلانه وعلانه!!
واللي ايضحك نفسها الي ناصحتنها يومنها بشهورها الاخيره شلي اشياء ثقيله علشان "تتسهل" لج الولاده الحين هاي رمسة اتدش العقل!!!
بس ما اقول غير الله ايعين!
شو من القلب عليها
حرام شو ذنب الياهل ,,, الغاليه الولد ولدكم صح امه على العين والراس بس هالشي يضره روحكن عطوه الدواء وافحصوا حرارته افرضوا رايكن عليها لانه حراااام صحة الياهل اتعاند في كل شي الا صحة الياهل ,,
و وحده اتقوللها بنرقد الياهل عندنا مافيها شي بس باسلوب عشان ماتتحسس او اتعاند حاولوا تقنعونها او تقنعون اخوكم او سوووله غرفه روحه قريبه من غرفة امه عشان المكيف ,, الحمدلله يوم ساكنه عندكم لو روحها شو بتسوي في هالياهل حليله
وبخصوص التكريع من اتخلص رضاعته شلوه وابروحكن كرعوه لاتتريون منها دامها ماتسمع رمسة حد ,, غمضني صراحه الله يحفظه ويهدي امه ..
قال الله تعالى:فى سورة الأنبياء
وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ
أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴿87﴾ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ
غاليتي 
اذا هي مب قد الأمانـة
ترى الأمانة عليكن انتن بعد
شلو عنها الولد واهتمو فيه
بس بدون لا تحسسونها
كل وحدة تشله شوي وترعاه
لين الله يهديها ويصلح حالها
أو أخوج يكلمها بكل جدية يا تدير بالها على الولد يا يطلب حضانته
ترى هذي روح أمانة عندها ..
انتي خبري اخوج بحالة ولده
قوليله شوف حالة ولدك عايبتنك جي؟!!!
خبريه بأهمال حرمته و ان حتى ثيابه ماتغيرله
عشان يرمس حرمته لان الولد ماله ذنب
و الله يهديها انشالله
انتوا خدوا بالكم من هالياهل مسكين
تر هو امانة عندكم بعد والله يهدي امه وتقطع علاقتها بصديقات السوء الي يخربون حياتها
خل يهددها بانه بيتزوج عليها.. الحريم شرات هاييل يبالهم قرصة عسب تصطلب