خواتي ابا استشيركن في موضوع…الله يسلمكن عيالي كلهم في مدرسه خاصه وبنتي الصغيره في الصف الاول الابتدائي السنه وتعرفون اليهال لازم ياخذون على المدرسه شوي شوي خصوصا في هذه المرحله ويبون اللي يحتويهم ويعاملهم بحنان…بس للاسف ابتلينا بمشرفة للقسم الابتدائي ماتصلح تكون مشرفه بل تصلح سجانه في السجن…بخبركن شو اتسوي.
الصبح تكون ماسكه بايدها مفتاح الباب الداخلي وماحد يمر من اولياء الامور الا ووقفته وخذت ولده من ايده وقالت له انته استوب بسك لحد هنيه انا بودي الطالب لصفه والصراحه هالموقف صار وياي اكثر من مره وبنتي اتعقدت من هالمشرفه وماتبا تسير المدرسه…والشئ الثاني يوم ابا اسير واخذها من الصف توقفلي هالمشرفه وتقول: هيه وين رايحه انتي …طبعا بقلة ذوق منها ماعندها اسلوب ابد او اتأشر بايدها لي ان اوقف في مكاني وهي بتطرش حد اييب البنت من الصف…وهالموقف صار ويا اكثر من ام من الامهات جدام عيني في منهن اللي اشتكى عليها عند الاداره وانا منهم بس مافي فايده المديره ماعندها غير امسحوها فيني هالمره.
المهم الحينه اباكن اتدلوني على طريقه اشتكي عليها غير طريج المديره…يعني مثلا ينفع احط شكوى ضدها في موقع وزارة التربية والتعليم؟
بانتظار ردودكن.
وخلي ريلج يهددهم ويرمسهم
ابس اظني هم يسوون هالشيء – منع اولياء الامور انهم يدخلون الصفوف – لان في يهال يلصقون في امهاتهم وما يودرونهم ويتمون يصيحون اذا جافوها – ولدي واحد منهم من جذه ما امر عليه ولا اوديه حتى —
فأعتقد هذا في بداية العام لان الصغلرية بعدهم ما تعودوا ع جو المدرسة
في روضة ولدي معلمة بنت عمه في اول يوم سحبت البنت ودخلتها الصف وتمت البنت تلعب عادي وهم كذلك ولد حميتي
لكن انا القلب الحساس سرت مع ولدي الصف وقعدت وياه والله انه ما ودرني واذا ظهرت من الصف يتم يصيح ويشل الصف ع راس المعلمة
ع العموم حاولي ويالادارة واذا ما نفع سيري التعليم الخاص في الوزارة
والله المستعان
يعني مره استوى موقف والحمدلله اني موجوده قبل انتهاء الدوام كان صف بنتي كلهم في الساحه اونهم يدربونهم على الطابور والرده بروحهم للصف..شفت مجموعه من الصف رادين ويا المعلمه وبنتي مب وياهم…وشوي ولا بنتي تركض ويا مجموعه من الطالبات الكبار ولحقتهم وضيعت صفها(هالكلام في بداية العام الدراسي) وركضت وراها وخذتها في حضني وتمت اتصيح ومابغت ترد الصف الا بالزور…طبعا هالخطأ خطأ المعلمه اللي الواجب عليها ترد الطلاب في طابور منتظم وكامل العدد للصف.
يعني هالتواجد مني في المدرسه غير مرغوب من قبل هالمشرفه اللي مب عارفه شو اتسوي بالامهات…قامت وشلت الكراسي اللي نتريا عيالنا عليها…وعقب منعتنا نترياهم واحنا واقفين بعد…وتقفل الابواب وماتفتحها الا عند انتهاء الدوام وساعتها يختلط الحابل بالنابل…الكبار يظهرونهم نفس الوقت وتستوي معارك.