لاحظت فالمنتدى بنات يعانون من حب الشباب و البقع و الزيوان الي هو الحبوب البيضاء الصغيرة و يستخدمون الطرق الاسهل للعلاج ولكن للاسف المشكلة تزيد او انها تكون مؤقته
انا حبيت اساعدكم وافيدكم
اعرفي ان اذا ويهج مب صافي سواء من حبوب او بقع او حتى ما فيه نظارة فها يعني المعدة مب مرتاحة سواء كان من اضطرابات او مغص متكرر او غازات او انتفاخات الى اخره ها كله ينعكس على بشرتج
العلاج هنا يكون من الداخل و صدقوني كله بيبان على ويهج المسالة يبالها صبر و عزيمة
خلونا نبتدي
الزعتر يا بنات اشربي كل يوم مغلي الزعتر فيه فالسوبر ماركت اكياس زعتر اشربيها كل يوم كوب زعتر بتلاحظين ان لو في اي مشكلة بتطلع و بطنج بيرتاح اقري عن فوايد الزعتر وانتي بتعرفين
شي ثاني الخميرة ادري بتستغربون بس الخيمرة مفيدة لحب الشباب واااايد حطي ملعقة خميرة فحليب او عصير برتقال او ماي واشربيه صدقيني و يهج بينور و الحبوب تدريجيا بترووووح
الشي الثالث و المهم انج تعرفين اسباب الحبوب عندج
1 الهرمونات يعني بداية الدورة تطلع لج حبوب
2 التوتر
3 الاتربة و عدم التنظيف او الاستخدام الخاطئ للمنظفات
البنات الي يعانون من لخبطة الهرمونات نصيحتي لهم زيارة الدكتور لان الحوب هني تحتاج مضادات التهاب مب وصفة خارجية وخلاص والمشكلة بتزيد عنكم
ندخل فالتنظيف
بعطيكم ادوات سحرية للتنظيف ماي البصل !!!! ادري مستغربين بس البصل فيه الكبريت وحب الشباب عده اللود الكبريت يا انج تشترين من الصيدلية صابونة الكبريت او انج تغلين ماي و تحطين فيه بصلة وتخلينه يبرد عقب تغسلين ويهج و تتريين خمس دقايق عقب تغسلين بماي الورد عشان المسام ما اتم مفتوحة و تدخل الاتربة
كيس المخدة يتغير كل 3 ايام او اسبوع
ابدا لا تستخدمون المنظفات الي فيها حبيبات لان الحبيبات المقشرة تهج البشرة
الخلطات الي فيها حليب كامل الدسم او زبادي استبدلوه بحليب خالي السم … اغلي الحليب عقب اتريي 5 دقايق و شيلي الطبقة الي ظاهرة عالويه و بيكون عندج حليب خالي السم
الاحماض مثل الليمون و خل التفاح تهيح البشرة الي فيها حب شباب بس اذا تبون خففوها مع المااااي
طبعا ما ننسى زيارة الدكتور لان المشكلة يمكن تكون لخبطة هرمونات و الدكتور بيعطيج حبوب تظبط المسالة عندج
واذا اتذكرت شي بخبركم
بس سالفه جيس المخده ساالفه خخخخخخخخ
اتعايز 
ههه
يعني بشرتي صفرآآ لان اكلي مو صحي ومو منتظم وهالفترة ظهرت لي هآلآآت حوالي عيوني
شنسوي الله المستعآآن
جزاك الله خير