بخبركم بسالفتي وقولولي شو رايكم بحكم الخبرة اللي عندكم ويا البشاكير لاني من فترة بسيطة معرسة وهالبشكارة أول بشكارة اييبها المهم…
انا وريلي ساكنين في بيت بروحنا ويبنا بشكارة سرلنكية مسيحية وكبيرة في
السن تقريبا عمرها خمسة واربعين..وايد محترمة تخلص شغلها وما يخصها
في شي وتعودت على نظام البيت لان نحنا من النوع اللي وايد نطلع انا وريلي
هو دوامه لين وقت متأخر وانا اخلص دوام واتغدى في بيت امي وايلس لين
المغرباحيانا يكون عندي اشغال اسويها برع البيت…انا لاحظت ان البشكارة
وايد حزينة وكله تفكر في عيالها كالعادة وفي بلادها وجي يعني وهي دوم تخلص
الشغل وتيلس تفكر وتحاتي وتصيح كسرت خاطري وقلت بنحطلها دش يطلع
سريلنكا عشان تشوف اخبار بلادها وتطمن حطينالها الدش واستانست وااااايد
وشكرتنا واستوى شغلها احسن عن قبل…………
ومرة قالتلي قناة سريلنكا اختفت قلتلها ماعليه بعدلها عقب..انا نسيت الموضوع
وعقب فترة كانت تحاول تتصل في ولدها ومول ما طاع يقبض الخط يتني جان
تقول يمكن الخط ما يقبص عشان يقولون في التلفزون المسيح ياي؟؟؟
وشي مستوي في سريلانكا عشان جي الخط ما يقبض ؟؟
انا ما اهتميت وقلتلها ما اعرف لاني كنت مشغولة وعقب طلعت حضرتها يالسة
تشوف القنوات الدينية مال المسيح ما اهتميت وايد لاني قلت مسيحية شي
طبيعي تطالع القنوات مال المسيح…..البشكارة كملت ست شهور وكل شي طبيعي
لين مااااااااااا………………….
يوم العيد كوت ثيابي وكل شي طبيعي وكانت طبيعية وتتبسملي وتسولف طلعنا انا
وريلي ..وبشكارتي ما ترتاح ويا بشاكير امي فما بغت تسير وياية..انا هذاك اليوم
رقدت في بيت قوم امي لان ريلي العصر بيسير رحلة ويا ربعه.. اليوم الثاني في
الليل رديت البيت ما اعرف ليش قلبي كان قارصني حسيت بشي مب طبيعي دخلت
حصلت باب المطبخ مفتوح ومفتاحها محطوط في الباب من داخل ونفس الميدالية
فيها مفتاح المطبخ ومفتاح حجرتها استغربت شقايل راقدة وباب حجرتها امبطل
قلت يمكن مريضة يمكن فيها شي ..دخلت البيت البيت وصصصصصصصخ مب
منظف الحجر وصخة والحمامات وصخة ؟؟؟ مول ماياني رقاد…
نشيت الصبح اوايج من الدريشة احصلها تتمشى في الحوي وحطت ثلاث غراش
ماي خاليات على الدريشة؟؟ انا قلت يمكن تنظف؟؟ عقب سارت صبت ماي
عشان تسقي الزرع؟؟ قلت يعني كل شي طبيعي استانست سرت فتحتلها باب
المطبخ عشان تدخل لاني قفلته ومفتاحها كان داخل ورديت الحجرة عشان اكمل
رقادي..عقب حسيت اني مب مطمنة طلعت من حجرتي احاول اسمع اسمع قرقعه
في المطبخ بس ما اعرف ليش زغت اسير هناك؟؟ قلت خلها تولي وبسير ارقد
عقب شوية اسمع اصوات غريبة في الصالة صوت بشكارتي وهي تزاوع
بطريقة غريبة تحسبتها مريضة وعقب شوية استوى الصوت يزيغ استوى
صريييييييييخ ويا اصوات غريبة؟؟ وعيت ريلي ما سوالي سالفي قالي يمكن تكح
قلتله لا شي مب طبيعي سار يشوفها حصلها يالسة تطالع صورته وهو صغير في
الصالة وتصلي صلاتهم وتسوي حركة الصليب وعقب تمت تطالع ريلي ووتضحك
وريلي عادي عنده كمل رقادة وعقب تمت اصواتها تعلى وتعلى وصرييييييييخ
في الصالة وانا ميتة من الزياغ عقب تميت اصيح ووعيته مرة ثانية وسارلها
وتمت تقوله السما بطيح والدنيا بتنتهي والمسيح والبيبي؟؟؟ وتسوي حركات
الصليب عقب طلعت في الحوي تمت تصااااااااااااااااااااارخ واطلع اصوات
غريبة وتسير عند غراش الماي اللي حطتهم وتصلي وتصلي وطلعت حضرتها
حاطة غرشة عودة اونها المسيح وباقي الغراش الصغيرة ما اعرف منو و
تصاااارخ وتصارخ وقلت حقه ما اباها في البيت تودديها الحينه وعقب وداها
بيت قوم امه ويوم شافت عمتي تمت تبوسها وتمسح على راسها وتصليلها؟؟
خلالالالالاص بنسفرها
انا لين الحينه مصدومة من الحركات اللي سوتها؟؟بنات شورايكم بشكارتي تخبلت ولا هاي حركات عشان تبا تسافر؟؟
الله يعينج عليها اختيه
اعوذ بالله شو هالبشكارة..روووووحي رديييييها شو تبين فيها..
بسم الله صدق غريبة..
المشاركة الأصلية كتبت بواسطة القمزية 
الله يعينج عليها اختيه
زيييغة وبس والله اني اتيبست مكاني
المشاركة الأصلية كتبت بواسطة جروح_دمية اعوذ بالله شو هالبشكارة..روووووحي رديييييها شو تبين فيها..
بسم الله صدق غريبة..
حسبي الله عليها هيه اكيد ما بتيلس عندي ولا ثانية بنسفرها
المشاركة الأصلية كتبت بواسطة القلبـ… امي وعمتي قالولي نفس الكلام