السلام عليكم ورحمة الله وبركاته
(ام يحسدون الناس على ما آءاتاهم الله من فضله)
ما اعرف كيف ابدي موضوعي
لكني في اخر فتره اكتشفت ان اقرب صديقاتي هي مجرد حاسده على فضل الله علي
نعم ، بتقولون كيف عرفتي ؟
لي صديقة كنت اعتقدها اخت لي ..يمكن غباء مني وسذاجه
كنا مع بعض من ايام الابتدائيه …كبرنا مع بعض وكنا متلازمات مع بعض حتى مرحله الثانويه
هي تزوجت يوم كنا في أول ثانوي …
وانا كملت دراستي ..وانقطعنا عن بعض فتره بسبب انشغالها هي في بيتها وعيالها وانا بسبب انشغالي في دراستي
وكنت اتواصل وياها من فتره لثانيه … كانت دائما تسالني عن دراستي
وكانت تسمع اخبار دراستي بشغف <<لان كان حلم حياتها انها تكمل دراستها
ودومها تقولي ( انا عرست انتن حليلكن ) …بس دايما تقول حظكن انتن تدرسن وتسون شي <<كنت اقول لها انتي عندج نعمه تحمدي الله عليها
وانا كنت اكبر من كلامها لي …لاني ادري هذه ارزاق توزع ولا حليله لنا بها
وجت فتره ..قعدت ترتل علي اصلا الشباب ما يحبون يتزوجون من البنات الجامعيات …وان اغلبية الجامعيات عوانس …ودومها تقولي ترى شهادتج بتاكلين عليها او بتعلقينها في المطبخ <<وانا اقول لها لا لا …هذي ارزاق وافكار الرجل تغيرات واذا لي رزق بتوظف
تخرجت وبفضل من الله توظفت وبعد حصولي على الوظيفه انخطبت
الواحد ينكشف له الناس اللي يحبون له الخير في وقت الشدايد وقت الفرح…
اول ما قلت لها …بدت عليها الغيره
كنت مهتمه تعرف من هو وين يشتغل وكم عمره ومن هالخرابيط …وانا ما عطيتها شي
راحت سالت عن زوجي ..وتحققت عنه وتفحصت
وكنت مهتمه تعرف اكثر عنه …
وكانت تتصل علي فلانه ..كم راتبج خخخخ
ومره دقت علي ..وقالت يا فلانه ..ريلج ولد فلان الفلاني …بصراحه سمعته ذهب
وانتي مب لايق عليج تاخذينه <<حسيت انها مقهورة مني
قلت والله انا ما ضربته علي يده …هو اللي جااا يخطبني خخخخخ
وقعدت تضحك مع حمياتها اللي يالسات عدالها …
وتمت تسولف …وقالت الله يعينج من العين اللي رح تجيج من الناس
وشوي الا اسمع حميتها تقول …خييييييييييييبه ما خليتي لنا شي توظفتي وبتعرسين ؟<<
اربيعتي :: ( تضحك باستهزاء) يااويلج يا فلانه من عين فلانه بتموتين وبتمرضين …لا تخافين بيب لج غسولها عسب ما تموتين
وانا كل هذا مصعووقه …وانهيت مكالمتها
واليوم اكلمها …قالت رمست فلانه وسالت عنج وقلت انج تخرجتي وتوظفتي وبتعرسين <<وترى هذا حالها تنشر اخباري
قلت خيبه ..حشى انتي ما خليتي حد ما علمتيه
قالت : ترى بعدج ما شفتي شي من عين الناس <<وهالجمله كررتها واايد واكر من مره سمعتها منها
طيب انتي معرسه وعندج 2 …ليش تحسدين الناس على فضل الله
وصايره بكل مكان تتكلمين فيني …كان انا شغلج الشاغل ..ولا ما في سالفه بالارض الا انا
اعوذ بالله …من شر نفوس بعض الناس
يا خووات والله انا عشت حياه صعبه من الحرمان والقله …وربي رزقني على صبري
بس الناس ما تتقي الله ….ضااقت عينهم على رزق الله علي
وربي اني خايفه من عينها تصيبني …رغم انني ارقي نفسي
الله يجعل كيدها في نحرها …ادعولي يا بناات ضاااق صدري وكل ما تكلمني هالانسانه اتكدر
حسبي الله لا اله الا هو عليه توكلت وهو رب العرش العظيم
اذكار الصباح و المساء و اذكار ما قبل النوم و اللي بعد الصلاة و اقري سورة البقرة .. و الله يحفظكم من العين ان شاء الله .. و تذكري اختي " ألا بذكر الله تطمئن القلوب " ..
و كن لله كما يريد .. يكن لك ما تريد ..
و الله ولي التوفيق ..
سبحآنك يآربي شو هالعالم ’’وشو هالحســد اللي فقلوبهــم ’’
ماعليــه فديتج انتي توكلـي على ربــج ومآعليج من حــد والله سبحآنه يوزع الارزآق ’’
ويمكن ماا تعرف توصل لج فرحتهاا بج 00و يمكن ويمكن؟
حبيبتي نحن ماا نقدر ندخل في قلوب النااس ونعرف نيتهم00اناا ماا اقولج ان العين مب حق
لكن لااازم نحسن الظن في النااس فديتج 0
وانتي الي عليج انج ترقين نفسج وماا تخبرين النااس بأخبارج بالتفصيل
وهذاا من وصااياا الرسول صللى الله عليه وسلم ^_^
الله يحفظج من العين ويبعد عنج كل شر يااارب 0
ربي يحفظكم من العين والحسد
اقري صورة الناس قبل لا تنامي كل يوم
وان شاء الله باذن الله ما يصيبج شر
والله يوفقج مع ريلج
اميييييين يااا رب
لاتفكرين فكلامها …توكلي على الله
ولا ترمسينها واايد ….
الله ويااج