اشحالكم بنات واخباركم ؟؟واخبار الصيام والقيام وياكم
بنات عندي مشكله ومب عارفه من اسال خصوصا ما عندي خوات اكبر مني
بنات انا مربيه والحمدالله يبت بنوته عسل ^^ وبطلع من الاربعين باجر ان شاءالله
بغيت اتخبركم عن كذا شغله واتحملوني تري مالي غيركم
اول شيء بغيت اتخبركم الوزن كيف تنقصونه ؟؟؟من يوم ربيت لحد اليوم ما نزلت غير 5 كيلو ومتحطمه
والسؤال الثاني كيف تخوزون الكرشه والعلامات اللي طلعتلكم من الحمل؟؟
والسؤال الثالث شو تسون عسب تغيرون من شكلكم عقب الاربعين وتفاجئين بو الشباب
واخر سؤال ..بنات انا يوم ربيت سويت خياطه ولين يومكم تعورني وما طاحت الخيوط..السؤال هو هل عادي اتم المعاشره حتي لو ما طاحت الخيوط ؟؟وهل بيكون هناك الم من الخياطه؟؟
وسمحولي ع الاطاله بس مالي غيركم
اختكم ف الله
وانتي توج والده توه الناس عن الرجيم لان جسمج فقد وااايد اشيا
اما عن سالفه الخطوط لاحول ولا قوه الا بالله ما تخوز خخخخخخخخخخ تعذبي جسديا لان ما خليت شيء وما سويته
اما بخصوص كيف تفأجين بو الشباب اقري موضوعي افكار مشوطه الرومانسيه وان شاء الله تعجبج ومبروك البنوته وتستاهلين سلامتج وسلامتها
المشاركة الأصلية كتبت بواسطة lotus-girl 
وين احصل هالزبده اختي؟؟
بس بالنسبة للتغير ..
ممكن تغيرين صيغة الشعر او القصة اذا ريلج يحب ..
حناء كاملة ..
تجهزين لبس يديد ويفضل انه يكون شيءيديد مو متعود عليج فيه ..
اعرف وحدة لبست فستان قصير فوق الركب لونه اوف وايد وفصلت معاه طرحه ..
وسوت عروس بس بينها وبين ريلها ..
قبل ابو الشباب والاشياء الثانوية لازم تروحين المستشفى عشان يشلون لج الخياطة لان لو ماطاحت هم يشلونها والا بتستويلج التهابات ومشاكل مالها اول من اخر لان الخياطة اطيح بعد اسبوعين الى 3 اسابيع اقصى شي وانتي بتكملين اربعين يوم روحي حبيبتي وتلاحقي الموضوع
و بعد ما تخلصين من الخياطه
عن الخطوط ما في شي يخوزها غير اليزر انا سالت دكتورة لاني اعاني من نفس السالفة بس الي يخفف الموضوع ان لونها وشكلها يتحسن مع مرور الايام
بالنسبه حق اللوك الي يديد مثل ما قالو البنات صبغت شعر حلوة او تغرين ترتيب الغرفة والله يوفقج