بعد الملجة وقبل العرس

السلام عليكم
بابتدي موضوعي بهالحديث: وعن محمد بن حاطب قال : قال رسول الله صلى الله عليه وسلم: "فصل ما بين الحلال والحرام الدف والصوت في النكاح. (رواه ابن ماجه وحسنه الألباني). وأعتقد واضح معنى الدف و الصوت في النكاح…
في نقطة يغفل عنها بعض البنات , مجرد ما تملج يقول الها عريسها أنتي حلالي و لازم أختلي بج و ما حد عنده الحق يمنعني و هي بعد تسلم تقول يمكن الملايكة تلعني لو ما طاوعته….وأحيانا ما أقول ديما تستوي مشاكل البنت وأهلها في غنى عنها…
بتقولن لو حملت و ما طاع يعترف بالحمل فيه تحاليل و محكمة و الدنيا مب فوضى …هالكلام صحيح بس شو جابرنها عالمحاكم و المشاكل …أهلها تعبوا عليها عشان أخر شي دخلهم المحاكم ومتاهاتها..
بتقولن ممكن ما يستوي حمل …بس احتمال فض بكارتها و هي حلاله …وشو العمل لو هو ماعترف و قال هي جي ….وعفكرة استوت وااايد…لازم تراكض هي وأهلها في المحاكم و يتبثون أنه اختلى بيها وإذا اللقاءات كانت تستوي فيبيت أهلها فالمحكمة ما بتاخذ بشهادتهم …وإذا الخلوة في بيت اهله …فكيف أهله بيشهدوا عليه…وإذا اتبثت هالشي و نصفها القاضي …شو كان من البداية جابرنها عهالدوخة كلها حق عمرها و حق أهلها …
أناما أقول كل الشباب نفس الشي لا …بس الوحدة تتحمل تطيح في أغلاط هي في غنى عنها…
ويمكن الشاب لانكر ولا يبا ينكر بس لا قدر الله سوا حادث…..أو لأي سبب مات …أهله ما ستوعبوا أنه أبنهم مختلي بالبنية وطعنوا في ادعاءها ….شو العمل….وحتى لو هي محظوظة و أخر شي انتصرت عليهم…بعد شو …بعد المراكض في المحاكم…؟ ويمكن ما يحصل نصيب و يحصل انفصال قبل العرس …يستوي بعد….

صح لسانج وكلامج 100%

كلامج سليم حبيبتي فعلا البنيه ما تستعجل وتسلم نفسها كل شي فوقته حلو اصلا من رايي لو كانت الفتره بين الملجه والعرس طويله افضل انها ما تكلمه لانه بيمل منها عقب وبيتزوج فاحسن شي تثقل اما لو كانت الفتره قصيره تكلمه بس ما اطول احسن لها

انا جيه بسوي لو عرست

تقبلي مروري

الاهل .. ثم الاهل .. ثم الاهل

اذا ما يبون هالمشاكل تستوي ع الاقل ما يخلونهم بروحهم والريال ياخذ راحته ويحاولون انهم يرمسون البنت عن هالاشيا وكيف ممكن انها تأثر عليها وشي رياييل فاهمين هالاشيا وبروحهم يتجنبونه لكن اذا الريال مستعيل يجدمون العرس يكون افضل لهم ولكن انا ما اقول انه ماشي بنات ما يعرفون يتصرفون وايدات عرفن كيف ياخذن رياييلهن بالسياسه .. وايد لاحظت هني اغلب مشاكل المتزوجات يعرضونها للناس اللي ما يعرفونهم ويخلون الاهل اخر خيار لهم ،، قله التواصل بين الاهل ما بتنفع حد بالعكس بتكون حاجز بين البنت واهلها .. اذا شي مشكله ف فتره الملجه ف الاهل اولى انهم يعرفون وهم يدرون كيف يحلون هالمشاكل ويتجنبونها .. لكن ان استوت المشاكل ما يخلينا نسمي هالزواج (نهايه العالم) لكن الحذر واجب والله يوفق اليميع ^^

سلمتي اختي ع الملاحظات =)

وأنتي نورتي الموضوع 100%
مشكوووورة عمرورج وردج

مشكووووووووورة عمرورج والله يرزقج الزوج الصالح و الذرية الصالحة ياااااارب

صح الصح