بعد الولادة ،، كيف نرجع شرات قبل ؟؟؟ للمجربات و صاحبات الخبرة

انا بعد أبا اعرف
زين انج نزلتي الموضوع

حتى انا ابي اعرف

اختي بالنسبه لتجربتي عقب ما ربيت رضغت و مثل ما تعرفون الرضاعه الطبيعيه وايد مفيده للام و ترجع الجسم مثل قبل اسرع. و بصراحه بالنسبه للاكل كنت آكل وجباتي المعتاده و حاولت آكل شغلات مفيده مثل الفواكه و الخضار و شربت وايد ماي. و ما استخدمت مشد ، و انا حامل كنت ناويه استخدم مشد عقب تعايزت بس حسيت ما اثر و ردت بطني.
وانا مشكلتي كانت ان بطني عقب ما ربيت لونها كان اغمق عن باقي جسمي فعقب شهر ونص من ربيت سويت تشقير على البطن شوي تحسنت الامور عقب ردت على طبيعتها بعد خمس شهور تقريبا.
و يوم كمل و لدي سته شهور بديت امشي اربع مرات في الاسبوع لمده اربعين دقيقه و الحمد الله ضعفت بس ما رد مقاسي مثل قبل يعني كنت اللبس مقاس ٨ و الحينه ١٠.

اتمنى تستفيدين من اللي قلته و تقومين بالسلامه

الحمدلله مايزيد وزني ف الحمل يادوب 8كيلوات
والحمد لله وزن البيبي ف الولاده يكون كيلوين ونص تقريبا
وبعد الاربعين امشي كل يوم ساعه
وما اكثر من العيش والماي لانه هم اللي يطلعون الكرشه اللي مخبله ف اغلب الحريم

واللي بطنها لونه مارد نفس قبل نصيحه احس حل (زبده الكاكاو ) او زيت المشمش والسمسم الاثنين ينفعون ويفتح البشره و يوحد اللون

وعن نفسي لوعه من اول الحمال لين عقب اسبوعين من عقب الولاده وما اخلي شي ما اشربه عسب الحليب وعقب من اخلص جي مال شهرين احجز لي حمام مغربي كل اسبوعين واربط بطني بوقايه بيت وامشي الصبح اخلي اليهال تضربه الشمس مال نص ساعه وانا امشي والاكل عادي طبعا ع قدي والسوال عسب الرضاعه وجي يرد جسمي الحمد لله وما اكل وايد لحوم اكلي خفيف وعندي هالاله مالشد البطن مب دوم اسويها بس زين والحمد الله بطني مول مب طالع بس اهتمام

وعالتشققات في كريم زبده الكاكاو وايد يمدحونه حتي بفتره الحمل
والمقشرات الجسم عادي ما تاثر لانها كلها خارجيه
وكل ما حصلتي فرصه يلسي بماي وملح وقطرات الديتول الاخضر وتمي عالشي لان جد له تاثير فضيع

انا زدت 10 كيلو والحين الي شهرين ونص وما نزلت غير 5 كيلو