بعد ثقة بشوو تنصحون توام والا الواحه للربى

هلا خواتي نبى اكبر عدد ممكن يدخلوووووووون ويخبرونا عن تجربتهم للولادة والمواقف الي صارتلهم وافضل الدكاترة .. للمراجعة .. وشو احسن من حيث الرعاية والاهتمام وصور الالتراسانود .. وغير ذلك

هل في توام البجرية تولدها دكتورة والا ممرضة ..

من خبرتي انه الواحه البجرية يبون ممرضة ..

الواحة : فيها غرف كبيرة للمريض وللعائلة وفيها بابين وفيها باركنات عدال الغرفة .. بس يعطون للمريضة الي تحتاج عناية كم يووم .. واعرف وحده عطوها 3 ايام ووحده خلوها في عرفة مشتركة ها ببطاقة ثقة

اتوام :: غرف صغيرة واحتمال ماتحصلين في اي بي اصلا اعرف وحده ربت توأم والا حصلت في اي بي

اعرف وحده عندها واسطة حصلت عقب هيه مربية الصبح حصلت المغرب

الدكتورة :: سواء في توام او الواحة منوو الداكترة تمدحونهن.؟؟

الخياطة:: سواء في توام الواوحه منو افضل

المسافة :

الواحة اقرب لي لاهل ريلي يوم يزوروني واقرب لي يوم اراجع

يلا خبرونا ولاتبخلون لاتخبرونا عن اشياء جديمة لان بعد ثقه كل شي تغير ف شوو تنصحووووووووووووون

في توام اتييج ممرضه بس اذا كانت الحاله صعبة الدكتورة تكون جريبه واتيي بسرعه

انا ما جربت لا ها ولا ها

لاني بجريه

المهم من كلام اخوات ريلي ما شاء الله 3 ربن ورا بعض عقب بطاقة ثقه

كلهم يقولون ما شي الحال يعني ما فرق شي عن قبل

اما الواحه سمعت ان علته صار وايد زحمه وما يتفيقووولج شرات قبل .. يعني قبل ثقه كان يراكضون للحريم بس الحين مع الزحمه صاروا ما يهتمون والله اعلم

وانا ان شاء الله بربي في توام

انصحج لا تربين في الواحه
اغلبهم يسوولهم عمليه علشان ياخذون فلوس

اما توام وايد زينه حق الولاده

انا ما جربت

بس الكل يمدح توام

ويذم الواحه عشان الفلوس بيسوون فيج اي شي

اب اب اب

انصحج في توام الصراحه ماكد حد ذمه خصوصاا في الولادة … اختي امربي من كم اسبوع ووايد تمدح عنايتهم في الربا وكانت عندها ممرضتين والدكتورة كل اشوي تي اتشوف وتروح يعني ماااتم عندج طول الوقت …
وبعدين اكتشفت شي , ان الممرضه االلي تولد عندها خبره اكثر من الدكتورة .. وهذا الكلام عن تجربه
الدكتورة بس في حالة العمليات تنفع ,, اما في حاله الولادة الطبيعيه فإن الممرضه اكثر خبرة
والسمووحه على الاطاله