السلام ليكم ورحمة الله وبركاته …
شحالكن بنات عساكن بخير ومبارك عليكن الشهر ..
صار لي فتره غايبه عن المنتدى لكن وحشه كلكن عساكن تكونن بصحه وعافيه يا رب ..
أبا منكن دعوه حلوه في هالشهر الفضيل ان ربي يسهل أمري ويرزقني بالزوج الصالح .. ربي عالم بي أني ادور الستر والحلال. ويا رب يكون هالشهر فاتحة خير عليه واشوف نصيبي أنا وباقي بنات المنتدى ..
طول هالفتره حاولت ادور على خطابه تكون أمينه وثقه بس للأسف كل محاولاتي ما نجحت وبحكم أيه سأل البنات او الحريم لي حولي عن خطابات معروفات أو هدفهن الأجر بس للأسف مالقيت أي طريقه فمالي غير الدعاء في هالشهر الفضيل ان الله يسهل امري وأبا منكن دعوه في ظهر الغيب ان الله يعجل ويسهل زواجي بالزوج الصالح
الله يتقبل صيامكن وطاعتكن 
الله يرزقج بالزوج الصالح
أمين يا رب الله يرزقج عاجل غير اجل
الله يرزقج بالزوج الصالح .. ويحقق كل ما بخاطرج يــــارب !
و لا تشيلين هم كله خير حبيبتي .. ربي يوفقج
و لا تشيلين هم كله خير حبيبتي .. ربي يوفقج
اميييين اجمعيييين
يعطيكن العافيه الغاليات
ربي يرزق كل وحده اللي فخاطرها ويحقق مطلبها ويسخر لها كل ما هو خير لها يا رب
بإذن الله مايخلص رمضان الا انتي مملجة يااااارب .. وانا معاج :$