مره كنت ويالوالده .. اتفصفح منتدانا الحلو ^^ امي شافت شي وعيبها .. قالت لي اطلبي لي اياه ..
المهم طرشت للتاجرة رساله اقولها اني بغيت هالغرض ولو اني مب مقتنعه وايد بالسعر .. لان برع سعر الغرض هذا ارخص .. وبعدين فالمحلات الي برع بقدر اني اشوف القطعه والنوع .. المهم .. التاجره ما ردت عليه .. فتره طويله حتى اني نسيت الموضوع .. عقب فتره ردت وقالت لي .. اسمحيلي لاني وايد منشغله ويوم برد البلاد بطرش لج ..
ردت عليه .. قالت لي بغيت رقمج واسمج عشان التوصيل .. قلت لها فالج طيب …
عطيتها اسم امي ورقمها .. على اساس تعطي شركه التوصيل ..
وقلت لامي .. ترا السايق بيتصل اذا ياج رقم غريب ردي 
قالت لي انزين ..
اترينا ..
جان التاجره تتصل .. واتكلم امي .. قالت لها خذي كمن واحد .. المهم امي انزعجت ..
وانا يوم عرفت وايد انزعجت اكثر.. دام انا نحن طالبين واحد ليش الازعاج وحركات لا شو رايج تاخذين 3 و4
وبعدين كفايه انه سعر اعلى عن بيع السوق .. ونحن ما انعرف جوده المنتج !!!!
المهم امي استحت وايد وقالت لي انتي رمسيها وانا وايد عصبت :@ قلت ليش هالحركات
.. فالاخير .. قلت لامي نحن ما نبا منها شي ..
اولا .. الطلبيه تاخذ اكثر من شهر ..
ثانيا .. التاجره اسلوووبها ابدا مش اوكيه ..
ثالثا .. انا يوم عطيتها رقم امي مب عشان هي تتصل .. عشان نحن سبق وانفقنا على الكميه والسعر واللهم باقي التوصيل .. نحن ما نبا حد يقنعنا ان نشتري ازياده !!!
وبس .. انا روحي ماحب اشتري شي من المنتدى … لان بعض التاجرات استغلاليات ويتحرون هاي شطاره .. لكن الي ايسوونه مجرد ازعاج.. وانا ماحب اتعامل وياناس جيه ..
لاتنسون انا نحن المستهلكين والي نشتري من عندكم .. عندنا عقل انفكر فيه .. ومب اي حد بسهوله يغير تفكيرنا ..
.. سبق واتعاملت مع تاجرات غنيات عن التعريف … تعاملهم عسل … اخلاق ومذهب
لكن .. نفس هالنوع .. لا
المهم … حبيتكم اتشاركوني فالموضوع .. اذا حد استوا له شراتي … ^^ بليز لا تحرموني من مشاركتكم
واتمنى الرقي فالاسلوب ..
و في منهن و الله تحنين ع راسهن لين يطرشن الطلب و لا يطرشنه بعد
الله يهدي الجميع إختي .
في بعض الزباين وايد يغثن التاجرات و العكس.
يعني المشكلة مب من جهة وحدة
كله و لا زعل الوالده.
[/mark]
ترا الدنيا فيها الزين والشين