.
.
.
.
ابا اسألكن يا بنات مادري اذا انتوا شايفين هالنماذج في حياتكم بس انا عن نفسي شفت نماذج من الاشخاص اللي بتكلم عنهم …. ليش في بعض البنات في الثلاثين والاربعين تلقونهن يتصرفن تصرفات او سلوكيات ما تناسب سنهن ويسون حركات مراهقات ماعرف صراحه كيف اشرحلكن يعني عن التصرفات بس مادري يمكن في الكلام في الاسلوب او في التعامل مع الناس او ممكن في اظهار دلع ما يناسب سنها ابدا يعني بنقول دلع مراهقات… كل بنت من حقها تدلع لكن احس في كل مرحله عمريه الها دلعها الخاص مراهقات الهن دلعن العشرينيات الهن دلعن ووالثلاثينات والاربعينات وهكذا ……
في بنات ( بعض البنات طبعا ) في سن النضج والثقل والرزانه الثلاثين والاربعين يتصرفن تصرفات تافهة وما تناسب سنهن ويخلنج ترفعين ايدج للسما وتقولين ( الحمدلله على نعمة العقل ) … يعني هالبنت بدال ما تلعب دور الناصحة والموجهه والمرشده للي اصغر عنها تلقينها هي اللي محتاجه للتوجيه والنصيحه وصراحه هالبنات اكثرن هن العازبات … استنتجت وقلت يمكن هي تسوي جي علشان تبين للناس انها بعدها صغيره بتصرفاتها لانها ما تبا تصدق انها كبرت ووصلت لسن المفروض تحاسب على تصرفاتها وتحترم سنها … مادري انا مثلا في العشرينات من عمري واعتقد تصرفاتي وسلوكياتي سلوكيات وحده من عمري لكن مستحيل انزل نفسي واخلي عمري شرات اللي عمرها 13 او 14 سنه ….. اوكي في بنات وايد في سن النضج ال 30 وال 40 يبينن اصغر في الشكل لكن ليش تصغر عقلها؟؟؟ والمشكله يوم تتذكرينها وهي اصغر من جي يعني في العشرينات مثلا ماكانت تتصرف هالتصرفات اللي تسويها بعد ما عدت هالسن …بالعكس كانت ارزن واثقل …….. هالبنات ( البعض اكرر مش الكل ) احسهن كلما يكبرن كلما عقولهن تخف بدل ما تثقل …. وتلقين بنات اصغر عنهن وماشالله عليهن عقولهن كبيره وفاهمه يعني تحتارين منو الكبيره ومنو الصغيره ؟؟؟ …. انتو شو رايكم
بس مراهقه بالاربعين ماسامعه……يمكن على قولتج تبي تبين انها بعدهي صغيره و تبي تصدق انها كبرررت خاصتا اذا كانت مومتزوجه و ماعدنا زوج وعيا لعشان تحس بالمسئوليه
بس اكيد موالكل جي…في ناس ماشالله عليهم اخلاق وشخصيه…
بس مب كلهن يطلعن عازبات
في منهم متزوجات وخبايل 
الحمدالله والشكر
ما احس له علاقه اذا متزوجه لا
ع العموم
من ناحية هاي الفئة موجوده ف هي فعلا موجوده
حد عنده حل يخبرنا