بغت تنتحر في العيد والسبب؟؟! قربن

حبيت اطرح مشكلة (ربيعة بنت عمتي) .. وهي بنت مواطنه ..
في ايام العيد صار خلاف بينها وبين اخوانها من ابوها (من ام ثانيه) واشتد الحوار والنقاش الحاد لدرجة انها انهارت وعصبت عقب راحت وابلعت علبة حبوب وطاحت مغمى عليها

المهم اهلها فكروا انه فيها شي ف راحوا ودوها المستشفى وفي المستشفى الطبيب اكتشف انها ماكله جرعه زياده من حبوب سببلها حالة اغماء وغثيان ودوخه مع بكاء هستيري وحاله نفسيه فضيعه بسبب تطور الخلاف بينها وبين اخوانها

وبعد الفحوصات انكشف الامر وماكان من الطبيب الا انه استدعى رجال الشرطه للتحقيق مع البنت اللي انكرت تناول الجرعه الهائله من الحبوب لكن الطبيب اصر انها ماكله مايقارب علبه كامله

ولين الحين حالتها سيئه

استغرب من الاخوان اللي عادي عندهم يتم بينهم خلاف وعداوه مستمره وحتى لو كانوا اخوان من الاب بس تراهم في النهايه يتمّون اخوان

واستغرب من البنات اللي ينتهي فيهن الامر للانتحار
يعني مب كلما صارت مشكله حتى لو كانت كبيره ومالها حل مفروض مايوصل الموضوع لدرجة الانتحار لان الانتحار تعدّي على النفس اللي خلقها الله وضعف للوازع الديني

يعني الله ستر انه اهلها لحقوا ودوها المستشفى ولا لو ماكانوا فهاللحظه في البيت وماتت لاسمح الله كانت تخلّدت في النار .. زين انها طاحت في البيت ماطاحت في مكان عام

ومفروض انه الاخوان الكبار ما يستغلون انهم اكبر من خوانهم يعني بيسلطون عليهم مفروض يكونون يد وحده
اوكي انت كبير ماله داعي تفرض احكامك على اخوانك اللي اصغر منك وتقيّدهم بقوانين مالها داعي بس لانك انت الاكبر منهم

عن نفسي انقهر يوم اشوف أسره مشتته لهالدرجه

واتضايق اذا شفت اخوان يعادون بعض لدرجة انه لو مات اخوهم لو انتحر لو مرض عادي

هذي المشكله مب لايجاد الحلول لانه الحل بيد اصحابها انا طرحتها للعظه

اترك لكم التعليق ع الموضوع