بغيت افضفض شوي معكم

السلام عليكم والرحمه
اشحالكم حبوبات انا بغيت افضفض شوي لاني حاسه عمري بنفجر
اول شي بقولكم عن عمري عشان تقدروا تحكموا علي مشكلتي .انا عمري 30 وجميله الحمدالله
ريلي امممم مايهتم فيني وين سرت اتاخر مااتاخرت ابدا مايهتم بس يعطيني مصروفي انا وبنتي اول الشهر وخلاص لايهتم بنتها ولا فيني كل شي انا اسويه لبنتي ولعمري هو غسل ايده منا لم اظهر مع ربيعاتي عندي 3 ربيعات وكل مااظهر مع وحده فيهم ريلها يتصل عليها ويهتم متي بتي ويسالهم وجي :وهم اقل جمال عني و2 منهم اكبر عني .نفسيتي زفت مب حاسه اني متزوجه وفكرت في الطالق علي الاقل اكون مع عندي ر يال شو فايده اني متزوجه "هو بس لم يبا حقوقه زوجيه يجي عندي وطول الواقت مايهتم وانا متاكده انها مايعرف بنات لانها ماعنده هالسوالف بس هو عايش جي في عالمه الخاص وانا علي الحال من سنييين وكلمته وايد ماشي فايده

زين هو كيف طريقة تعبيره عن الحب ؟؟؟ ترا ماما في 5 طرق منها الكلام ومنها الاشيا الجسدية مثل اللمس و الحضن واخره ومنه الهدايا ومنه انه يقعد وياج و الاخيره م اذكرها شو كيف طريقته يعني لو انتي مريضة ؟؟ بيقعد وياج بس قاعد فالبيت ؟ بييب لج دوا ؟ بيحضنج ؟؟ بيقولج كلام حلو ؟؟ شوفي كيف وعلى هالاساس اتعاملي وياه

بقولج شي واستمري فيه وان شاء الله وباذن الله بتغير وبتقولين العصبيه قالت بس ﻻ تأسي من رحمة الله ﻻزمي الاستغفار وانويه بتقريب لريلج وان شاء الله بتشوفين التغير والله يجمع بينكم بالخير

كلام اخت العصبيةعين العقل والله يهدي ريلج حبوبة لا تفكرين وايد

ماسمع منه كلام حب ابدا اي حضن وبوس بس حقوقه زوجيه يخدها من غير بوس ولاحضن فهمتي لم امرض يجلس وياي شوي وبس مايهتم

بنات انا مليت والله ليش اشوف غيري مرتاحت مع ازوجهم ويهتموا فيهم ويغاروا عليهم وانا لا شو هالعيشه انا الحمدالله كل شي فيني من جمال واهتم بعمري

أستهدي بالله أختي . شو دراج أنه غيرج مرتاحات؟ حبيبتي الحريم ما في أشطر منهن في تأليف القصص ! الموضوع ما يستاهل تفكري فيه بالطلاق والعياذ بالله وهو أبغض الحلال, ومن قال لج أنه المطلقة مرتاحة ؟ أختي فكري في بنتج و فيه ريايل ما يعرفوا يعبروا عن مشاعرهم . زوجج الحمدلله ما يخونج وما مقصر معاج في المصروف, وأكيد له إجابيات أكثر , فكري في اجابياته وتغاضي عن سلبياته ,الأزواج ما يتشابهوا . مثل ما قالت الأخت اكثري من الإستغفار وقرأي سورة البقرة وربي يسخر لج زوجج يارب .