شحالكم
بنات هذا اول موضوع لي فمنتداكم
ماأحب اثقل عليكم بس بغيت نصيحتكم و مساعدتكم لي فمشكلتي
بسم الله نبدا
انا معرسه من سنتين و عايشه في بيت اهل ريلي واهل ريلي ناس طيبين و ما مقصرين وياي الله يحفظهم
في البداية صرت انا و ريلي نحس ان في حد ياخذ من فلوسنا يعني من محفظتي او من بوك ريلي وبعد مرات انا انسى واحط فلوس عالتسريحة
و ما احصلها و مره اتاخذ عن عطر من باريس غاليري دورت عليه و ماحصلته لانه هديه من اخوي ما قلت شي و لا تهمت حد ومرت الايام
قبل نهاية رمضان بكم يوم كنت ناوية ازكي عن ذهبي اللي احطه فالتجوري مالنا يوم سرت انصدمت حصلت انه في 4 حيول و 3 خواتم و طقم محد خبرت ريلي قالي اذكري يمكن عاطتنه حق حد قلتله مستحيل انا لابستنه اخر مره شهر 6 فعرس ولد خالة ريلي دورت فكل مكان حتى فبيت اهلي ما حصلته وصرت خلاص متاكدة انه مسروق واحين و الله مب عارفه شسوي خبرت اخت ريلي و ما قالت شي هم عندهم شغتاه بس و اثقين فيها حتى انا وماشفت منها شي حتى شغاله اخوهم و اختهم مستحية مب عارفه شسوي لو سكت يمكن ينسرق شي اكبر و فنفس الوقت ما اقدر اشك فحد
بشو تنصحوني بنات الله يوفقكم و مشكووورين
السموووحه
اتمنى البنات ما يقصرون وياج ويفيدونج
واذا ممكن حد فيهم فاهم بامور التحيره يخبرنا اذا حلال او حرام انا نتبعها
والسموحه
وهو لا يعلم من سرقه وحتى إن علم كيف سبيل ذلك؟
اتحفه, باين عليج بجد تحفه وطيبه وعاقله والدليل
إن لم تتهمي احد من افراد الاسره كما يفعلن الاخريات
لكن الموضوع محير بعض شي من دخل غرفتك وسرقك
إن كنتن تثقن بخداماتكن؟
خذي حذرك في المستقبل وصدقني الحل واحد من الامرين
إما الشرطه او ان يعترف السارق بالسرقه
ومشكوورة اختي سويت قيرل
بس قوليلي شلون اخلي السارق يعترف وانا مب عارف منو ومستحية مووووت اسير اتخبر شغاله بيت عمي وبعدين تقول انتو اتهمتوني و خلاص بسافر والله اني بكون السبب فمشكلة يديدة
المشاركة الأصلية كتبت بواسطة ام عبيد_87 
اتمنى البنات ما يقصرون وياج ويفيدونج
واذا ممكن حد فيهم فاهم بامور التحيره يخبرنا اذا حلال او حرام انا نتبعها
والسموحه
أختي مايجوز..حرام هذيل دجالين ويتعاملون ويالجن…والله يغنيها بحلاله عن حرامه..
في طريقه تسويها في يوم يطلعون الخدامات برع البيت بأي طريقه وهي تاخذ اخت الريل وادش غرفتهن وتدور هذا اذا ماكانن تخلصن من الذهب..مافي غير هالطريقه أو اييبون الخدامات جدام العايله ويقولوهم ترى كذا كذا انسرق واحنا بلغنا الشرطه بس قبل لايون الشرطه أحنا نباكم تفتحون اغراضكم جدامنا عشان هم بيسجنونكم بس احنا بنستر عليكم وبنسامحكم 
…واللي في الجدر بيطلعه الملاس يالغاليه>>>> جربنا هالطريقه ويا وحده ونجحت…وطبعا ماكنا نشك فيها ابدا…وخصوصا امي ماكانت تصدق فيها..
ماأعرف أختي بس من أول مرة كان المفروض تحاسبون وتحاولون ما تخلون حد يدخل حجرتكم هذي غرفتكم الخاصة ومو من حق أي حد يدخلها حاولو تتعلمون ألحين وتسوون هالشي .. أتمنى نبهتج أو فدتج بشي … اسمحيلي