أنا افتقدتكم وايد
ويت الإجازة و حبيت أرجع لكم
و أرجع أضيف لكم أفلام بس هني ممنوع محظور..أفلام حق الأطفال ممنوع شو نسوي ..حكم القوي
عموما
المهم
و
بدون مقدمات
أريد شراء سيارة عائلية + فخمة + لا تتجاوز الـ 200 ألف درهم
خاطري و نفسي في الانفنتي الكبيرة
2024 Infiniti QX56
أو 2024
أخاف تكون وايد غالية
لا تنسون قيمة التأمين و غيره
أعتقد بتطلع أكثر من 200 ألف
ياويلي:42:
لكن قالوا مافي فرق بينها وبين الأرمادا إلا الاكسسوارات
و قالوا اللاند رهيبة
و قالوا اللكزس بعد حلوة
و سمعت عن البي إم
أنا ماعندي خبرة في السيارات
بس عندي نظر
يعني عجبني شكل الإنفنتي أما الأرمادا ماعجبتني
و بصراحة أفكر إني أشتري انفنتي اللي في خاطري حتى لو مستعملة بس مش استعمال وايد ..بغيتها جديدة يعني
يعني لو طلع سعرها 150 أوكـي….بس أعرف بعد إن زوجي مابيرضا أشتري مستعملة
ماعرف و الله
محتارة
أبا مساعدة
و أبا انفنتي
شو رايكم؟
انا من راي احلى شي لاند كروزر
واعتقد سعرها معقول
والتيوتا شركه وايد حلوه واقتصاديه وتعيش
الله يوفقج حبوبه وانصحج بالاستخاره قبل لا تشترين شي .
او زيدي على المبلغ شوي وخذي رنج مستعمل
اسألي مجربه !! انا كان عندي رنج والله تبهدلت
الستيشن حلوه مع اني ماجربت سواقتها .. بس بنت خالتي عندها وحده ومريحه في نفس الوقت
على العموم ربي يوفقج الغاليه