بغيت لو سمحتن ارقى محلات الاطفال في ؟؟

اشحالكن خواتي عساكن بخير ..خواتي يزاكن الله الف خير ممكن مساعدة

بغيت لو سمحتن ارقى محلات الاطفال في دبي او ابوظبي او الشارجة .. ووين بيكون مكانهم بالضبط ؟؟؟

ومشكورات مقدما

.. والله حتى لو تروحين أرقى المحلات ما بتلقين اللي تبينه أنتي تمي دوري على المحلات كله وبتلقين اللي تبينه لانه الناس أذواق ولو حد قالج روحي مكان يمكن ما يعجبج …

مشكورة الغالية على ردج .. وانا ادري انه الناس اذواق .. لكن صدقيني عيزت وانا ادور عشان جي لجأت لكم ..اخر مرة رحت برجمان ..الله لا راواج البضاعة المعروضة .. والمصيبه اني على ويه ولادة يعني ماعندي ذاك الوقت اللي يخليني ادور ..من غير اذا تعرفون محل يبيع اسرة اطفال اكون شاكره لكم طبعا غير بيبي شوب لانه من سنتين تقريبا وموديلات الكفرات والاسرة نفس الشي ..ومذركير وبريمامان بعد لا..

في بابوظبي محل اسمه ماميز اند بابيز بضاعته وااااااااااااايد حلوه

بس للاسف ماعرف وين مكانه بالضبط لاني مره شفته يتكلمون عنه ببرنامج وكانت اشياءهم حلوه

طلبي الاستعلامات وساليهم عن رقم المحل وخذي منهم العنوان

الله يعينج الغاليه ويقومج بالسلامه ويرزقج الذريه الصالحه يااااااااارب .

مول الامارات فيه ارقى المحلات..

واغلبية المحلات المشهورة مثل مذركير وغيرها موجودة هناك..

اذا تبين ماركات

عندج ساكس في برجمان و سوالف البيبيات مال ديوووور تخبل..و ماركات ثانيه وايد بعد

و في السلام في وافي عندهم اسكادا و موسكينو و موناليزا و واي اند هاف و دي اند جي و كله للاطفال

و قصر الاطفال بعد في وافي تلقين عندهم ديزل و موسكينو و بربريز و ماركات وايد ثانيه

و ان شاء الله تلقين اشيا تعيبج

المحل موجود فديتج في الوحدة مول وفي المارينا مول .. انا رحت للي في الوحده بس ماعنده الوان مميزه..يعني يا الابيض او الازرق للاولاد والبيج والوردي للبنات واللي عيبني فيه مالت الطفل لما اتنومينه عليها عشان اتنشفينه واتلبسينه وتحتوي على ربل راقي ومخدة وفوطة تحت ظهره غير الفوطه اللي اتنشفينه فيها..

الله يسلمج الغالية .. ويرزق الجميع الذرية الصالحة يارب..

مشكورة فديتج