بغيت منكم تصححون هالمعلومه لي

معلومه ما ادري ليش فبالي

ان الريال اللي الله بلاه بالسرطان و تعالج بالكيماوي

في حالة انه تزوج… خلاص ما يقدر ايب عيال

هل هذي المعلومه اللي فبالي صحيحة .!!!؟

فديتج اللي اعرفيه ان السرطان ماله علاج ادري ان في علاج كيماوي

الله هو العلم وهو الشافي المعافي

العلاج الكيماوي يقلل نسبة الحيوانات المنويه وايد
لكن بعد ما يوقف العلاج بفتره يرجع الجسم لطبيعته خلاص و ينجب ان شاءالله يقدرة رب العالمين.

الغالية عندي واااحد من الاهل كان مصاااب بالسرطان وكان عمره تقريبا 15 سنه بس تعالج بالكيماااوي حتى شعره طاح وبعد سلسله من العلاجات الحمد لله شفى وما خلوبه أهله مكان إلا وساروا يعالجونه ودوه الخارج وتعالج والحمد لله هو الحين متزوج وما شاء الله حرمته حامل وألحين بتربي.. الحين عمره تقريبا 24 سنه

عندي بنت عم متزوجه وريلها من فتره كان يتعالج كيماوي

عشان جيه سألتكم

وانا دايم ادعي لها ان الله يرزقهم بالذرية الصالحه

أدعوا لها يا بنات

هي من سنين متزوجه و فخاااااااطرها ياهل تسمع حسه وتربيه

ادوعوا لها يا بنات

شوفي الغاليه انا يقولج على سالفه ان شاء الله تقولينها لها وتريحين بالها
الله يسلمج ربيعت الوالده زوجها معاه سرطان في البروستاتا وقاللها الاطباء انه مستحيل تحمل
لكن الحمد لله المره عندها عيال فمااثر فيها هالشي واايد كان اهم شي عندها زوجها وسلامته
وسبحان الله هي شايله الموضوع من بالها لان مافي امل فجأه وله تحمل بنص فتره علاج زوجها
صج انه هو تعافا بس سبحان الله ارادة الله فوق كل وحتى فوق علم الاطباء ربي يكتب لها الحمل
وتقر عينها بياهل واكثر ان شاء الله ويشافي لها زوجها ويعافييها ولا يحرمهم من الذريه الصالحه
ولا يحرم احد يارب =)

الغاليه اللي اعرفه انه الكيماوي ايأثر على الانجاب بس مو كل انواع الكيماوي

يعني كل نوع من السرطانات اله ادويه معينه

وفي دوا معين يمكن ايأثر على الانجاب وانشاء الله ما ايكون ماخذ هالدوا