لو سمحتوا عندي استفسااار انا عندي بقع بسيقاااني واااااايد مشوتنهم والسبب اني استخدم ماكينه بروان فالشعر يطلع تحت الجلد و انا اييديني تحكني ولازم العب فيهم وهذا خلى فيهن بقع وااايد و استخدمت كم من مرهم بس ماشي فاايده و الحين افكر اني استخدم مقشر بيبي فيس او اكسترا بل بس متردده انتوا بشو تنصحوني ؟؟؟
واي وحده كان عندها نفس مشكلتي وحلتها ياليت تفيدني …
لانج عقب ما اتشلين الشعر .. البشرة اللي فوق تقعد فترة بدون شعر و تنشف طبقة الجلد الخفيفه اللي فوق
والشعر يوم يحاول ينقض .. ما يروم يطلع فووق لان الجلد ياابس والشعر ضعيف ما يقدر يقاوم
فـ عاد يكمل نموه تحت الجلد الجاااااف
يعني المشكلة من الاساس في جفاف الجلد .. و حلها الترطييييب عقب شل الشعر
حاولي تشترين سكراب خشن .. وكل ما تتسبحين آخر شي قبل لا تظهرين من الحمام بيكون جسمج بعده رطب من البخار .. استخدمي السكراب حزتها وافركيها بقوه .. عشان اتشلين الجلد الميت والجاف اللي يمنع ظهور الشعر
ويوم تظهرين حطي مرطب والا زيت اللوز والا زيت السمسم بدال المرطب
اهم شي الترطيب بعد السكراااب
وعشان ما تصير لج المشكلة مرة ثانيه .. الوقايه خير من العلاج
كلما اتشلين شعرج بالحلاوة .. لا تنسين اتسكربين ريولج عشان اتشلين الجلد الميت
وعقب رطبي الجلد بالزيت او اي مرطب
وان شاء الله بتنحل مشكلتج ^_^
وع فكرة هالطريقه تأخر نمو الشعر 
موفقه