انا سويت مسحة من المهبل وقالوا لي اني عندي
GBS
او ما يسمى ب group. B Streptococcus
وقالوا لي لازم في الولادة يعطوني مضاد حيوي عشان ما يضر بالجنين
منو عانت من ها الشي؟ ياريت تخبرني كيف هذي البكتيريا تضر بالجنين؟
انا في الاسبوع السابع والثلاثين وعنق الرحم مفتوح عندي واحد سم
شو نصايحكم؟
انا كانت عندي فحملي الاول.. وقالولي نفس الشي .. لازم مضاد حيوي قبل الولادة او اثناء الولادة عشان ماتضر بالجنين .. هي ماتضر الام بس اذا دشت البكتيريا للماي وشرب منها الولد تسببله التهابات فالرئة والشعب الهوائية .. وامراض فالدم ..
انا يوم ربيت .. عطوني انتي بيوتيك فالمغذي.. بس لاني طولت وانا اربي.. الماي فتح والرحم مفتووح 6 سم لفتره طويلة دخلت البكتيريا للبنت .. وسببتلها التهابات فالرئة اليمنى .. الاكسجين كان ناقص عندها .. وشلوها وحطوها فالحضانة من اول ما نزلت لمدة خمس ايام .. كنت اسيرلها الحضانة عشان ارضعها هناك .. كانوا فاتحيلها ابره فالوريد عشان يعطونها الانتي بيوتيك ويعالجونها ..
اول الفتره بعد ما رجعنا البيت قالولنا ابعدوا عنها اي شي ممكن ايأثر عليها مثل التدخين .. والدخوووون .. والغبار ..
بس الحمدلله صحت عقب.. والحين تشقح ماشاء الله ^_^
هي بس مسألة وقت ..
المشكلة يقولج ان احتمال كبير الحمل الثاني يكون نفس الشي ..
وهالبكتيريا اظني بسبة الالتهابات اللي اتصير فهاييج المنطقة ..
بعد الولادة متى راحت عنج البكتيريا؟
انا امسات مسوية فحص وقالتلي الدكتورة عندج التهابات وايد شديدة ويالسه اتعالج منهن .. والحين انا فالشهر التاسع توني فالاسبوع 36 .. وبسوي الفحص فهالموعد الياي .. وبشووف شو بيظهر وياي .. بس اخر مره سألتها قالتلي احتمال كبير يتكرر عندج نفس الشي ..
الله الشافي فديتج وترا كل حرمة غير عن الثانية ..
لا تحاتين ..