بكريه في الشهر السادس معرضه لولاده مبكره

السلام عليكم و رحمة الله و بركاته

شحالكم ؟

خواتي انا حامل فالشهر السادس الاسبوع 24 و انا بكريه

سويت تخطيط تقلصات فمستشفى لطيفه و طلع عندي تقلصات توصل حدتها 30 و 40 و 70 و طلعت عنهم ع مسؤليتي
سرت عند الدكتوره زينب قالت لي عنق الرحم قصير 2.4c و لازم ارتاح لاني معرضه لولاده مبكره

عطوني خبراتكم و كيف ممكن احافظ على الجنين اطول وقت
و هل ارد مستشفى لطيفه و اذا سرتلهم شو بيعطوني او شو اطلب منهم

الله يكون في عونج ويتمم حملج على خير
انتي محتاجه لعملية ربط عنق الرحم من البدايه … في حالتج لازم ترقيد و راحه تامه على الاقل لما ادشين السابع ويعطونه ابره حق الرئه
الله يعطيج الصبر

استعملي كريم كرينون عبارة عن انبوب فيه كريم تنزعين الغطا واتحطينه داخل المهبل وتعصرين ليما ينتقل الكريم كله من الانبوب للمهبل يوميا تستعملين انبوب وان شاء الله بيطول لج عنق الرحم واستشيري الدكتورة انج بتاخذينه وخليها تكتب لج اياه ولا تمشين مووول والتزمي بالراحة التامة والله ايسر امورج

ليش من البداية ماشافوا عنق الرحم انه قصير ؟
سمعت انه يبين بالسونار
اهتمي بعمرج وربي يسهل عليج ويحفظ جنينج
طمنينا عنج

متى لازم آخذ ابرة الرئه

حبيت ادعيلج ان ربي يسهل امورج لين ماتربين بالسلامة..الله يحفظج..

عطر البلاد .. يزاج الله خير
الورقا .. بسأل الدكتوره عن الكريم بس اذا ما يستوي استخدمه شو ممكن اسوي ؟؟
حلم منتظر .. يبين فالسونار بس محد انتبه او يمكن قصر عقب مادري بصراحه بس بالصدفه اكتشفت كنت اصلا داخله بسبب هبوط الضغط و الدكتوره شافت بطني متحجر قالت سوي تخطيط و التخطيط عطاهم في تقلصات قالت بشوف عنق الرحم و شافته بأيدها و قالت مسكر بس قصير