بدخل في الموضووع -المشكله مب مشكلتي والحمدلله بس صارت لمرت اخو ريلي
انا بخبركم القصه وانتو عطوني رايكم ^^
^
^
^
^
^
دخلت عليه امس مرت اخو ريلي في ملحقي وعيونها كلها دمووووع .gif "12 (46)")
..هي من النوع الهااادي وماتتكلم ابدا وماينسمع لها صوت ابداا لدرجه انها تكون موجوده وعادي الكل ينسى انها موجوده نظرا لهدوئها……هي الحين حامل واعتقد جريب بتدخل شهرها وفيها بنووته ربي يحفظها لها… طبعا انا استغربت منها لانها مش من عوايدها انها تدخل عندي بالاصل ..استقبلتها .gif "12 (5)")
ورحبت بها وضيفتها وحسيت انها تبا تقول شي بس انا سكتت وترييتها تتكلم بروحها<<علشان ماتقول اني اتدخل ومن هالامور لاني الحمدلله مسالمه وفي حالي ومايخصني بحد ابدااا…
قالت لي بقولج شي بس قومي قفلي باب بيتج لاحد يدخل علينا!!!قلت ها تم الساع وقمت قفلت الباب ورجعت لها قالت لي دخيلج بشكي لج لاني مب عارفه شو اسوي..
قالت لي…: طبعا انتي تدرين انه فيه بنت
انا…: هي ادري واعتقد انج دخلتي شهرج صح..
هي…:تخيلي يوم بغيت اسمي البنت وكنت مخططه اسميها اسم حلووو انتي عرضتيه مره عليه بس ريلي مب راضي!!!
انا….: افاااااا ليش!!؟؟ .gif "12 (66)")
هي: يوم قلت له شو ناوي تسمي البنت صدمني برده وقالي مب انتي اللي بتسمين البنت!! ولا انا قالت له عيل منو بيسمها غيرنا؟؟؟ قالها اهلي اللي يبون يسمونها!!!!!!!!!><
انا…: وعلى اي اساس هم يسمون بنتج انتي اللي حملتي بها وتعبتي ومحد ساعدج ولا حد دخل عليج يوم تعبتي وكنتي دومج تروحين لاهلج وهم اللي يقومون فيج…
هي….: ادري وانا تعرفيني مب شراتج ماقدر اتكلم معاهم ولا اقدر اقنعهم وهو مب راضي اني اسمي هالاسم مع انه الاسم عاجبنه وااايد دخيلج قوليلي شو اسوي..
انا….gif "12 (29)")
…: مممممممممم خلاص انتي روحي الصاله وقعدي معاهم وانا بعد شوي بحدر
هي:دخيلج على شو ناويه؟؟<<<<<<<طبعا هي تخاف منهم مادري ليش!!!
انا: انتي روحي وتطمني ماراح يصير الا اللي تبينه (يلست اطبخ الموضوع على نار هادئه).gif "12 (11)")
هي: فرحت قالت والله بتقنعيهم اني اسمي الاسم اللي اباه؟؟؟
انا: بسوي اللي عليه وان شاءالله يصير كل شي من صالحج
طبعا انا ماحب اتدخل في حياة احد ابداااا بس نظرا لانه اهل ريلي لاحظت عليهم انهم يسون لي الف حساب وحساب وهي مسكينه مايسون لها اي سالفه ومتحكمين بحياتها بطول وعرض حتى بلبسها اذا ماعجبهم يقولون لها فلانه لبسج مب حلو وقومي بدلي وهي تقوم وتبدل من غير باول ايام عرسها كانو يبون يعرفون كل شارده ووارده بينها وبين ريلها وهي من خوفها منهم كانت تقولهم واعتقد للحين يعني عادي لو سئلتها عمتي متى نمتي مع ريلج عادي تخبرها ومتى اخر مره عادي بتخبرها !!…طبعا ليش؟؟ لانها يااااهل يعني عمرها 16 سنه ومتزوجه بعمر 15 سنه!!! ويشوفونها ياهل ويتحسبونها ماتعرف تتصرف… عشان جيه يدخلون بكل صغيره وكبيره في حياتها…. بعكسي انا تمااااامااا محد يقدر يقولي اي كلمه واذا عطيتهم شور على طول يوافقون عليه حتى من لو كانو مش مقتنعين فيه!!! طبعا اكيد الكل يبا يعرف شو الفرق بيني وبينها ……….
بالنسبه لي توني مكمله 10 شهور من تزوجت وهي كملت عندهم سنه بالنسبه لي دارسه وجامعيه وموظفه والحمدلله وعمري 24 سنه… هي توها مكمله ثاني ثنوي ورايحه ثنويه عامه <<طبعا ماتبا تكمل وتدرس بس بالدز….. عايلتهم شوي غير عن باجي العوايل يعني مالهم خص في اللبس والكشخه وهالامور … فكل شي انا البسه او اسويه بالنسبه لهم شي يديد حتى لو كان شي جديم من سنة سكتوو
هي لبسها حلو وانيق بعد ويعجبني تنسيقها للالوان بس للاسف هي سااااكته وماتتكلم وماتعطي رايها باي شي يعني مثل ماسبق وقلت لكم وجودها والعدم واحد… اهل ريلي من الطراز الجديم شوي رغم انه عندهم خير وفيييير والحمدلله بس يعني ناس مب متفتحين للدنيا لدرجة اني حاليا صرت اختار لهم ديكور فلتهم الفخمه بالشكل بس.gif "13 (27)")
.. صرت اختار لهم الديكور والوان الغرف وهم معتمدين عليه بكل شي من هالناحيه لانه يعجبهم ذوقي مثل مايقولون… والحمدلله انا افتخر بهالشي بس اللي معور قلبي انهم مب مسوين لها المسكينه اي حساااب ابداا لدرجه انهم يبون يسمون مولودتها الاولى بروحم وعلى كيفهم:
انا ماعجبني الوضع وعورت قلبي لما شكت لي وقلت في خاطري راح اساعدها واشوف لين وين توصل معاهم….
هي طلعت عني وراحت صوبهم وانا بعدها بربع ساعه دخلت عندهم عشان مايشكون انها كانت عندي وحتى لو درو انا ماعليه منهم بس خايفه عليها منهم.gif "12 (8)")
… جان اسالها والكل موجود طبعا وريلها بعد موجود وعمتي .. ها فلانه شو ناويه تسمين النونو؟؟؟.gif "44 (27)")
هي:……… طالعتني بنظرة ارتباك وكلها خووف ورعب.gif "12 (78)")
وتطالع ريلها قالت مادري بس انا خاطري باسم "……." من يوم انتي ماقلتي لي عنه وهو داخل في خاطري ^^
عمتي نطت صوبي.gif "12 (89)")
: هاااا فلانه وانتي يوم بتيبين بنت ان شاءالله شو ناويه تسمينها<<<مايدرون انه فيني اولاد تووم ربي يحفظهم خخخخ حاطين في بالهم اني بييب بنت لاني كله اسولف عن البنات .gif "44 (38)")
لووول
انا:….. مابا قولكم طبعا عمتي انصدمت من ردت فعلي!!!.gif "12 (93)")
قلت لها ليش قالت لي والله محتارين شو نسمي بنت فلانه مب محصلين اسم حلو ولايق على اسم الابو…!!!
قلت لها خلوها هي تسمي على راحتها هي اللي تعبانه وشقيانه مب انتو!!
عمتي عوت بوزها وعقب تمت تحايلني تبا تعرف انا شو بسمي بنتي وانا مب راضيه اعطيهم الاسم اللي ابا اسميها اياه…. <<وانا فيني توم اولاد مثل ماخبرتكم قبل واصلا ماعندي اي اسم للبنات في بالي لوول.gif "12 (13)")
بعدين قلت لها شرايج عمتي باسم "زليخه"؟؟؟ تخيلو منو يسمي هالاسم الحين!!
عشان اتاكد من انهم يجاروني في كل شي اسويه سواء كان حلو ولا مب حلوو تخيلو شو كانت ردت فعلها؟؟؟؟
يتبع>>>>
.gif "12 (33)")
<<<كيف انها يات تشتكي لي وانا دقيت الصدر بساعدها واخون بها؟؟؟عقب قلت لهاعمتي الله يهديج انا امزح معاج هالاسم مووول مب حلووو شرايج باسم "……….." (الاسم اللي الام طبعا تباه)
……. قالت لي بعد حلووو هالاسم خلاص عيل دامج قلتي هالاسم بنسمي بنتها بهالاسم!!! وقالت لها بكل عصيبه فلانه تراه اسم بنتج بيكون "……." فهمتي؟؟؟ وصدت صوب ريلها اللي هو اخو ريلي وقالت له هالاسم بيكون اسم بنتك قالها خلاص تم !!!
والحرمه استاااااااااااانست.gif "12 (80)")
وطاااارت من الفرحه واااعليه عنها!!! عقبها يتني البيت وقالت لي والله اني نذرت لو انج اقنعتيهم بهالاسم راح اييب لج طقم ذهب!!!.gif "12 (26)")
:12
قلت لها انا مابا عليج شي وانا مش اني اقنعتهم… كل مافي الموضوع اني بس حبيت ابين لهم انهم يجاروني في كل شي حتى لو شي مب حلو ومب زين وحبيت اني كشفهم جدام ريلي وريلج وبس وبس….. (الحمدلله ريلي من النوع العاقل ومتفهم وبعيد كل البعد عن ريلها اللي هو اخوه ومختلف عن باجي اخوانه بكل شي)
عقب تمت تقولي دخيلج علميني كيف اصير قوية شراتج جدامهم وكيف تكون لي هيبه جدامهم مثلج؟؟ وكيف غيرتي حياتهم للافضل الخ… يعني كانت تباني اعلمها شي انا ماعرف اعلمه لغيري بالاساس!!!
انا جيه تربيت والحمدلله… بس مادري ليش جيه مسوين تفرقه بيني وبين باجي حريم عيالهم يعني مسويني انا الكل بالكل وانا البووس… رغم اني ما احتك بهم وايد وعلاقتي بهم شبه سطحيه لانه ريلي حذرني منهم في بداية زواجنا والحمدلله محد فيهم قدر يضرني بكلمه…
هي اصرت انها تييب لي الهديه وانا طبعا ماراح اقبلها منها لاني انا ماسويت شي ..بس كان ودي اني اختبرهم وفعلا حصلت الفرصه اني اختبرهم وعرفت هم من اي نوع…..gif "12 (101)")
شرايكم باللي صار كل وحده تعطيني رايها…….gif "12 (75)")
ومشكورين على المرور مقدما ^^
حرام ينهضم حقها وهيه صغيره وساكته….
والله بيجزيج كل الخير …..
^____^
تسلمين يا ذوووق
والله انج كفووووووووووووو بنت عرب يالغاليه وربي يوفقج فحياتج
وفعلا تسمية المولود شي معقد جدا عند بعض الناس الا ع اسم اليد العشرطعش
شو هالاسامي اللي محد يسميها
في فترة كنت ادرس في مدرسة وسمعت اسامي اولا د جديييييييييييييييييييييييييييييييييييييييييييييييي يييمة
الله يهدي الاهالي
انا احاول اسوي نفسج ما اسكت اللي اشوفه صح اقوله واللي اشوفه غلط اتكلم اذا ما عيبهم اسكت لانه شي ما يخصني