بكل صراحة ماهو شعورك اذا المتزوجة تكلمت عن ,,,,, ؟؟؟؟؟؟؟؟؟

السلام عليكم ورحمة الله وبركاته
كيفكم بنات
عندي سؤال
ماهو شعورك لو وحدة تتكلم عن اللي بينها وبين زوجها ,,,, لايروح تفكيركم بعيد ,,, اقصد لو وحده في المنتدى او في المجتمع او قريبه لك او في الكلية او في المدرسة ,,,

تتكلم عن بعض جوانب حياتها مع زوجها
مثلا فلان قالي وفلان اعطانى وفلان مزح على
او انها تلمح لك عن بعض مايحدث في العلاقة الحميمة

هل
تغـــــارين
تغضبين
تحزنين
او تحسين بالنقص
تكرهينها
تقولي ياليتها تسكت

جميع ما سبق
ماتحرك مني شعرة يالله ابغى ردود

انا الاشياء الخصوصية ابد ما احب اتكلم عنها .. حتى لو كانت ربيعتي او حد من الاهل .. احس مب حلوة يعني هالشي بيني وبين ريلي وشي خاص ما احب حتى لو باب الفضول .. اما الاشياء السطحية يمكن اعطي رايي في الموضوع بس بعد من دخول اي تدخل .. وحلو الوحدة لو تخلي هالشي ببيني وبين زوجها لانه في النهاية تعبر اسرار

الحمدالله انا ماعندي ربيعات جيه يعني سوالفنا دوم تكون بسيطة يعني ما ندخل في التفاصيل

بس اذا يت وحدة و رمست عن ريلها الصراحة ما احب اسمعها بس طبعا ما بقول لها بسمعها بس في خاطري بقول ما عندها سالفة خخخخخخخخخخخخخ

بالنسبه لي الصراحه ماحب ها النوعيه من الحريم اللي اربعه وعشرين ساعه ماعندها سالفه غير فلان اشترالي وفلان قالي وفلان سوالي … المفروض الاشياء هاذي ما تنقال .. انا اعتبرها خصوصيه ومن رايي ان الاشياء الخاصه المفروض الوحده تحتفظ ابها بينها وبين ريلها اما الاشياء العاديه ماعليه تتكلم فيها يعني الامور العاديه اللي تصير بحياتنا كل يوم .. والصراحه في زوجات وااااااااااااايد يبالغن بشكل لا يطاااااااااااااااااااااااااق .. عندنا وحده من الاهل الله يهديها بنفس ها النوعيه دايما ريلي سفرني وريلي اشترالي وريلي قالي في المدرسه وفي البيت لين الكل والله مل منها وقام ينتقدها لدرجة ان وحده من صديقاتها اللي في المدرسه قالت هاذي الظاهر ماصدقت انها عرست يعني قامن يتكلمن من وراها ويعقن نغزات .

حتى نحن عندنا وحدة بالكلاس صدعتنا بريلها ولا فوق هذا تراوينا صور ريلها ,,, بس هي ع نيتها بس ترا هالايام البنات مالهم امان,,, يعني عادي تفكر في زوجها وتنعجب فيه!!!

الصراحه ماحب خوفا من العين وحسد البنات..

الصراحة انا ما افضل وحدة ترمس جدامي عن هالاشياء.. مب غيره ولا شي بس مب حلوه في حقها.. يعني مثل بطيح من عيني او شي جي.. لان دايما" الحرمه ما تقول ريلي سوالي ريلي عطاني..

لازم يكون للوحده خصوصية وتحافظ عليها ،واي شيء بينها وبين ريلها ما يطلع من باب الغرفة والرسول عليه الصلاة والسلام وصانا على هذا انها ماتقول ولا تصف .