بليتني بـالـشـوق

ودي اعـبـر عـن كل المشاعر … اللي بـقـلـبـي لك مـن حــب وهيام

الـمشكـله دربــك كـلـه مخاطر … وانا يـتـبـعـنـي عدو ترى حيل نمام

بليتني بـالـشـوق وتميت ساهر … مثل الـذي توه عـرف درب لغرام

ان قلت احبك صج القول قاصر … وان قلت بـكـتـب فيك تحتار لقلام

خلني ابتعد مانـي انسان شاطر … مابي اجدد شوق نسيته من اعوام

طعنتني الدنيا بسيـوف وخناجر … حتى بـكـيـت بصوت شـروات ليتام

حاولت على لحزان اكون صابر … وازرع ورود الامل من غير اوهام

لكن حظي دوم مع الفرح خاسر … اكتب فرح ويكتب لي الوقت احلام

وسلامتكم توني كتبتها

حاولت على لحزان اكون صبار … وازرع ورود الأمل من غير أوهام
لكن حظي دوم مع الفرح خاسر … اكتب فرح ويكتب لي الوقت أحلام

روووووووووووووووووووووعه
صح لسانج
وايد عيبني هالبيتين
الله يعطيج العافيه اختي سراب ..

صح بدنج عزيزتي نبض والاروع تواصلج الجميل

دمتي بخير وعافيه