بليز اترياكم لا تردوني بنات

صباح الخير يالغاليات

اذا تذكرون موضوعي اللي نزلته من 4 ايام هذا الرابط

https://forum.uaewomen.net/showthread.php?t=981620

المهم البارحة اللي هو تاريخ 8/10 رحت للدكتورة وسوت لي سونار وقالت ان البيوضة انفجرت اسبوع اللي طاف
وان الحين في كيس بس ما تعرف اذا هو كيس حمل ولا دورة
لازم اسوي فحص الدم ..
المهم رحت سويت فحص الدم وقالت لي ما مبين شي يعني مب حامل ..
عقب قالت اتريي لين تاريخ 15 اذا ما نزلت الدورة سوي تحليل دم مرة ثانية
واذا طلعت النتيجة سلبية خذي دوفاستون لمدة 5 ايام ويوم بتنزل يوم الثالث من الدورة اخذ كلوميد واراجعها باليوم 11 من الدورة

الحين شو تنصحوني اتريا لين تاريخ 15 ؟؟
ولا ابدا اشرب اشياء تنزل الدورة ؟؟

وفي حد صار وياه شراتي ان ما بين اول فترة الحمل حتى بالدم وعقب عرفت ؟؟

بليز ساعدوني ماعرف شو اسوي

ريحي نفسج وخذي دوفاستون من اليوم وما منه ضرر يعني خذي 5 ايام واتركيه لومب حامل بتنزل الدورة عقب 3 الى 6 ايام من ترك الحبوب… اما لو حامل الدوفاستون مثبت للحمل وممتاز للحمل وما يضر الجنين بالعكس الدكاتره يوصفونه للحامل لتثبيت الحمل اول شهر… ريحي نفسج من العذاب

اللهم : اني عبدك, وابن عبدك, ابن أمتك, ناصيتي بيدك, ماضى فيّ حكمك, عدل فيّ قضاؤك, أسألك بكل اسم هم لك سمّت به نفسك, أو أنزلته في كتابك أو علّمته أحدا من خلقك, أن تجعل القرآن ربيع قلبي, ونور صدري, وجلاء حزني, وذهاب همّي وغمّي اللهم امين يارب العالمين اللهم امين يارب العالمين

هدى 2

يعني هذا رايج

صدقج بلا عوار راس واتريا لين تاريخ 15
خلاص اليوم باخذ ان شاء الله

مشكوين فديتكم

ان شاءالله تطلعين حامل يارب وتبشرينا

الله يرزقنا يارب بالذريه الصالحه

عاادي حبيبتي الدفستون ما يخوووف

انا في حملي هذاا استخدمته اول شهر

لان يعتبر مثبت للحمل ..

ووبعدين في نااس يحملون حمل متاخر وما تبان النتيجه الا عقب 15 يوم او اكثر بعد

ولو شربتي شغلات حاره عليج وويمكن في امل انج حامل ..

سوي مثل ماخبرتج الدكتوره

خذي الدفستون وانتي مرتااحه .. ولو مافي حمل بتنزل عليج من تتركينه

مثل ما قالو الخوات

بس لا تشربين قرفة و بعدي عن الأناناس

و الملفوف و الجزر

و أن شاء الله تكونين حامل