السلام عليكم بنات أنا مربيه من يومين و الحمدالله يبت بنوته حلوه الله يحفظها لي و لريلي …. و ألحين أكيد يالسين تقولين أنزين و شو يصيحج؟؟؟
مااااااااااااااااااااااااااااااااااااااااااااااااا ااااااااااااااااااافيني حليب ……. بنات الله يخليكم ساعدوني إلي عندها تجربه شيء …….. بنات موووول ما فيني يوم أرص على صدري قطر حليب بس و نونوتي غامظتني من الصياح مب ملاقيه حليب تشرب فديتها …… هي تصيح من صوب و أنا أصيح من صوب ……. و قلت حق النيرس قبل لا أي البيت أنه ماشيء حليب فقالت لي لالا عادي يباله يوم يومين ثلاث أيام …. أنزين و انا شو أشرب البيبي إن شاء الله …… بنات و الله بمووووووووووووووت موووووووووووووول مافيني هاذيج النفخه إلي تي الحوامل في صدورهن من الحليب ………. و أمي المسكينه تأكلني هذا و هاك و ماشيء فايده ……. ساعدوني بنات كيف أسوي لي حليب (جي هي خلطه) ؟؟؟؟؟؟؟؟؟ بليز إلي عندها خلطه أو تجربه تقولي ؟؟؟
انا سمعت عن الحلبه و التمر بس ما جربت شخصيا ، و الحلويات عموما مثل الحلاوه الطحينيه ، أنا جربتها..و كلام النيرس صحيح مش الكل بييجيهن الحليب على طول ، و ترى مش كل صياح البيبي جوع ممكن ممغوصه و اللاشي . الحمد لله على سلامتكم و ان شا الله اكون افدتك
الحليب ينزل من الصدر يوم يمص البيبي اشربي سوائل ماء اكثر شي
اشربي ماي وااايد وعصاير السوائل يسوون حليب مب الاكل..
اشربي ماي وااايد وعصاير السوائل يسوون حليب مب الاكل..
وبعدين اول اسبوع بتلاحظين صعوووبه…خله بنتج تلرضع وان شاء الله رووحه الحليب بينزل
حبيبتي حتى لو مافيج حليب خل بنتج ترضع والحليب بيتكون ويا الوقت… المهم انج تخلينها ترضع حتى لو مافيج حليب
الغاليه علييييييج بالرهش اسميه انه يسوي حليب غير طبيعي و بعد عليج بالفستق و الحليب الطااااااازج…
حبيبتي انا مثلج بعد في اول ولاده لي …ماعليج حتى لو ما فيج حليب استمري بالرضاعه هالشي عادي لان اذا وقفتي ما بيطلع شي…وشربي وااااايد سوائل وعصاير خاصة عصير الافوكادو الصراحه عجيب
مشكورين بنات …….. هجوم اليوم قبل باجر بشرب وباكل كل شيء إلي قلتولي عنه لأنه الصراحه مب متحمله أشوفها تصيح من اليوع و يوم تمص ماشي ..