بلييز ساعدوووووونيه

حبيباتي انا اليوم لقيت هزبه محترمه من الاهل …
حليليه ما اعرف اسوي شي فالمطبخ …
وانا الحين على وجه الزواج …
عقولة يدتيه الريال يبا الحرمه اللي تطبخله وتيلس وياه وترعاه …
وانا موووووووووووووول ما اعرف شي فالمطبخ …
وتعرفوون البدايه بتكوون واايد صعبه عليه لاني فعمريه ما دشيت المطبخ وسوييت شي …
انا حتى ما اعرف اسخن فالمايكرويف …
ابا منكن حبيباتي لو ماعليكن اماره اللي تقدر واللي حاااابه تساعدنيه …
حلويات بسيطه وسهله …
واذا تقدرن تكون ما تحتاج للغااز لاني اخاف احترق بعد مافيه ابتلش وانا وراايع عرس وفستاان ..
وياارييت يا حبيباتي اللي حابة تساعدنيه اذا ما عليها امر تحط اليه الطريقه مع الصوور …
ولكن مني دعواات في ظهر الغييب ..
والله يوفقجن كلجن …

حبيبتي إنتي شراااتي بالضبط ..
وأناالحينه في أول الطريييج خخخ

قمت أتعلم كيكات سهلة في البداية ما تحتاج للفرن ..
والحينة في فؤادي أسوي أكلات من عيووش وصوالين ..من الحينة يالسة أيمع مواضييع عشان أطبقها في رمضان ..

هاي سهلة واايد وما يبالها فرن..بس خلط بلط وسييدة في الثلاجه خخخخ

https://forum.uaewomen.net/showthread.php?t=493588

https://forum.uaewomen.net/showthread.php?t=441436

وانتي بعد دوري في هالقسم بتحصلين مواضيع يديدة وسهههلة..

شوفي حبيبتي سوي هالسويت الي بقلج علية بيتخبلون من كثر ماهو لذيذمممممممممممم((سوري ما اعرف انزل صور))

المقادير=2كيس شعيرية باكستانية
1بكت بسكوت شاهي
2حليب محلى
6حبات جبن كيري
2جالكسي سادة
اعواد اسنان
الطريقة=كسري الشعيرية واطحني البسكوت ورشي من البسكوت اشوي في القالب الي بتسوينة عسب ما يلصق وعقب اخلطي الشعيرية مع البسكوت وحمسيهم مع قطعة زبدة على النار تقريبا لمدة3 او4 دقايق عقب صبي عليهم علبة وحدة من الحليب المحلى وكوريهم وصفيهم في القالب عقب في الخلاط حطي علبة حليب محلى مع 6 جبن كيري واخلطي عقب صبي الخليط على الكور وعقبها سخني ماي حار صبي على الجالكسي وهو في قرطاسة خلية ايذوب وافتحية بالبقص من الطرف فتحة اصغيرة واعطرية على الكور والعبي فية بالشوكة وبعدين في كل كرة حطي اعواد الاسنان وحطية لمدة ساعتين في الثلاجة صج هاي الحلاوة لذيذة

مشكووراات وماتقصرن …
وفي ميزان حسناتجن ان شاء الله …
ربي يوفقجن …

وهذا بعد سهل

المقادير :
جوز الهند كوب
حليب نستله الحليب الحلى
ربع ملعقه هيل

الطريقه :

خلطي جميع المقادير مع بعض زين مازين وبعدين كوريهم ورشي اشويه جوز الهند في الصينه وحطي الكور فيه
ورشي من فوق بعد جوز الهند وبس

ترا طعمه مثل بونتي

ادعيلي بالذريه الصالحه