عندي سؤال وخجلانه شويه وقت الاباضه متى اتكون وكيف اعرف انهااا وقتهااا به الوقت يصير الحمل
"هذا والله أعلم"
وكيف تعرفين اللحين البويضة جاهزة للتلقيح.. عندج 4 طرق على الاقل لمعرفة وقت الاباضة.. وهي:
1- انج تشترين جهاز قياس الحرارة من الصيدلية .. وتقيسين حرارة جسمج كل يوم الصبح "قبل ما تقومين من السرير: من اول يوم دورة الين الأيام 12 و13و14و15و16.. واليوم اللي تكونين جاهزة فيه للحمل.. بتكون حرارة جسمج أعلى بحوالي نص او درجة وحدة زيادة عن الايام الي قبلها.
2- انج تشترين من الصيدلية.. جهاز فحص البويضة..وتستخدمينه بوضع قطرات من البول"اعزكم الله" اول ما تنشين من النوم.. واذا اتغير لون الشريط.. معناه انتي جاهزة للتلقيح.
3- اتابعين افرازاتج المهبلية.. وبتلاحظين في واحد من الايام 12.. 13.. 14.. 15.. 16.. ان ينزل منج افرازات شفافة عديمة الرائحة وتشبه زلال البيض.. يعني افرازات لزجة وفيها كثافة. يعني البويضة جاهزة للتلقيح
4- اذا ما ترومين على كل هالطرق المذكورة.. تقدرين انج اتابعين تبويضج عن طريق دكتورة نساء وولادة.. وهي تكشف عليج بالسونار.. وتشوف إذا البويضة طلعت من المبيض وكم حجمها.. وطبعا هذا لازم يكون بمتابعة الدكتورة لج من بعد اغتسالج من الدورة ألين من تقولج انج جاهزة للتلقيح والحمل بأذن الله.
ادري اني شرحت بطريقة مطولة جدا.. بس قلت عشان البنات اللي خاطريهم يحملون يعرفون بالضبط كل شي..
والله يرزق كل محرومة الذرية الصالحة عاجلا غير آجل يارب العالمين.