اشحالكم بنات
بنات انا واايد متينه.:*_*:. ووزني فووق الميه.. والله تعباانه نفسيا من وزني
وكل مره اسوي فيها رجيم اسبووع بس وعقب انسااه واتكااسل لان كل خواتي و ربيعاتي ضعاف الا انا ..يالله الحمدلله على كل حال..
بس انا ابا حد يسااندني في رجيمي ..وماشالله في هالقسم واايد بنات مسوياات مواضيع كل وحده تشجع فيها الثانيه وانا في خاطري اشترك معاهم ..بس المشكله
تكون عدد الصفحات كثيره واتلخبط انا وما عرف منو مشاارك ومنو لا..المهم انا ابا وحده ولا ثنتين يسوون معاي رجيم ولازم وزنهم يكون فوق الميه
ونتواصل عن طريق المسنجر ..لا انا احس هالطريقه بتحمسني اكثر وبحاول اتحدا فيها البنت اللي بتتواصل معاي ^_^
ارجو التفاعل معاي
وشكرا ^_^
https://forum.uaewomen.net/showthread.php?t=261497
ها شو رايج ؟؟؟؟؟
بس والله لو تبيني اكون وياج واشجعج عاادي عندي بس انا وزني في الخمسين
وعاادي بعد لو نصير ربع ونرمس بعض بالمسن بتتشجعين جييه
اتمنالج كل خير والله يوفقج وتنقصين من وزنج
أنا كان وزني 82 و الحمدلله وصلت 62 و طولي 162 ماشاء الله و بفضل الله..
يعني استوى وزني مثالي تبارك الرحمن…
ياااااااااحبييييبتي كلنا تعبنا لين ماوصلنا للي نبغيه و صدقيني عقب التعب راحة ووناسه..
في الثلاث شهور اللي طافن وزني زاد خمس كيلوات ووصلت 67 و الحين مجتهده عشان انزل السبع كيلوات و أوصل للستين..
الحمدلله واثقه ان ربي بيعيني و الأمور بتتيسر و بوصل للـ 60
اذا تحبين أنا بشجعج ان شاء الله حتى لو ما سويت الرجيم وياج..
مع اني حاليا اتبع نظام غذائي يعني اسوي رجيم..
و بالاضافة لهالشي مسوتلي جدول للرياضة و أسير صالة رياضية الحمدلله..
وخذيها مني نصيحه..
لا تعتمدين على الناس عشان تاخذين الحماس و التشجيع منهم..
خلي هالشي نابع من نفسج و ذاتج..
صح ان تشجيع الناس شي وايد حلو و يرفع المعنويات لكن محد يضمن انه بيدوم..
وأنا أول ما بديت الرجيم كنت وايد اهتم بتشجيع الناس و أحرص اني ما أسير الصالة الرياضية إلا إذا حد بيسير ويايه..
لكن تبين الصدق..
حسيت ان هالشي أحيانا يخرب عليّه..
لأن يوم الناس ينشغلون و مايشجعوني أو انهم يتعرضون لظروف و مايقدرون يسيرون ويايه الصاله أنا أتكاسل و أبدأ أخرب الرجيم..
وهالشي طبعا يهدم كل اللي كنت أبنيه..
عشان جي استويت أشجع نفسي بنفسي و حتى لو اللي حولي خبصوا في الأكل أنا أتم على التزامي و ما أخبص..
ولو شفت صديقاتي متكاسلات و ما بيسيرن الصالة أقوم أنا و أسير ما أترياهن..
والحين ماشاء الله تبارك الرحمن الكل يغبطني و الكل متحمس ويبا يوصل للي أنا بإصراري و عزيمتي وصلت له..
انا موجودة عزيزتي و مستعده أشجعج..
وأنا واثقة إنج تقدرين توصلين للي تبينه بس خليج واثقه من نفسج..
السالفة بتطول و يمكن تحتايين شهور عشان توصلين للوزن اللي تبينه..
لكن أكيد ان شاء الله بالإصرار و العزيمة بتوصلين للوزن اللي تبينه حتى و إن طالت المدة..
تخيلي نفسج و انت رشيقة و صحتج طيبة و شكلج كيوت و محد يعطيج أكبر من سنج..
صدق احساس وااااااااااااااااايد حلو و يخليج تصبرين على التعب مهما طالت مدته..
ربي يوفقج و ييسر أمورج و يخليج توصلين للوزن اللي تبينه جريب يارب..
وسامحينا على الإطالة
أختج// ود