شو اخباركن ؟؟ عساكن طيبات ؟؟؟؟؟؟
خواتي سالفتي مأرقتني بصراحه وهي من الاخر موضوعها صوره
ايام الثانويه من 7 سنين بالضبط كنت انا و 2 من ربيعاتي وااايد يا بعض بس وحده من ممنهن مب هاك الزود اخلاقها
المهم مره ودونا رحله مدرسيه وتصورنا وكل شي وهالبنت قالت ابا صورتج وكانت فيه صور ثانيه لربيعاتنا مب من الشله هي رضت وعطتها الصورة انا قلت ليش ان هالبنت ربيعتنا بعطيها دون ما احسب حساب انها هي شوووووو … والبنت الثالثه فديتها عسسسسسسسل وطيوبه واخلاق وهي الحين معرسه ربي يحفظها قالت لي يا فلانه ابا صورة من صورج وعطيتها دون تردد هاي بالذات اعتبرها اختي وبنت مربايه احسن تربيه
موضوعي الحين من بعد 7 سنين اليوم بالذات يت فبالي سالفه صورتي اللي عند رربيعتي مش اللمتزوجه والخلوقه الثانيه واليوم يوم اتصلت بها قلت لها فلانه ابا صورتي اللي عندج وقالت لي هيه بس الصور ما ادري بهن وين انا روحي لي صور اختفن من البيت ما ادري وين راحن ؟ قلت لها المهم صورتي اباها وانتي كيف ماتتهتمين بصور البنات نحن عطيناج و أمنا عليج ؟ جان تقول والله فيه صور لي انا ضاعن ما ادري بهن وين بس انا بدور و برد عليج
المهم بعدها قالت لي انتي متأكده انج هاك اليوم عطيتيني صورتج قلت لها من الله انتي اللي مصورتنا بكيمرتج ؟ جان تقول لأن البوم حصلته وصورتج مو موجوده ؟؟؟ قلت لا انتي قلتيلي انها موجوده عندج من زمان كيف الحين لا ؟
جان تقول لي برد ادور مره ثانيه مع ان البوم هاذوه مافيه صورج قلت لها هي كانت صورة وحده ياليت تطلعينها …. جان تقول اذا لقيتها اكيد بطرشها …
انا الحين وااااايد مضايقه يعني الصورة وين بتروح ؟؟؟ بتقولولي انها من 7 سنين دام مارامت تسوي شي يعني الحين ماتسوي ؟ مو مشكله بس ابا صورتي والله زايغه بموت من الزيغه
وان شاءالله خير ،،
وكلي امرج بس وقولي (( حسبي الله لا اله الا هو عليه توكلت وهو رب العرش العظيم ))
بي هذا درس لج مره ثانيه ما تعطين صورج ل اي انسان شو ماكان ترى الدنيا تغيرت الغاليه ماعدتت نفس قبل
ان شاء الله تحصلها اربيعتج وتردهن لج يارب
المشاركة الأصلية كتبت بواسطة غرام_العين 
بي هذا درس لج مره ثانيه ما تعطين صورج ل اي انسان شو ماكان ترى الدنيا تغيرت الغاليه ماعدتت نفس قبل
ان شاء الله تحصلها اربيعتج وتردهن لج يارب
يا اختيه ايام الثانويه انا وين كنت افكر بهالطريقه
اليوم بالذات ماااااااا ادري ليش يت ع بالي
وهي تقول ان الصورة مب عندي مو مشكله بس وين بتكون هاللي ابي اعرفه !!!!!!!!!!!!
المشاركة الأصلية كتبت بواسطة shawwagah وان شاءالله خير ،،
وكلي امرج بس وقولي (( حسبي الله لا اله الا هو عليه توكلت وهو رب العرش العظيم ))
الله يسمع منج ولا تنسيني من خالص دعائج دخيلج اختي
كلنا تصورنا ويا ربيعاتنا في المدرسة والحين ولا ندري عنهن .. وايد زين انج تعرفين رقمها للحين ..
انا روحي عندي صور بنات الحين مااااعررف عنهن ولاشي..
حبيبتي .. لا تعورين راسج .. وصدقيني مثل ما نسيتي السالفه سبع سنين شليها من راسج الحين ..
يعني مثلا شو بتسوي في الصور ..!!! هدي بالج وصفي نيتج من صوب البنية …
وبرحج قلتيها .. دام من سبع سنين ما استوا شي.. الحين شو بيستوي ..!!!
الله يريح فواااادج ان شالله ..