قلت احطلكم هذي الفكرة وانشالله تعجبكم وهي عبارة عن مسابقة تحدي بين أفراد العائلة وهذي اهي اتمنى لكم الفايدة:
1- أول شي خلنا نقول انه العايلة مكونة من 4 أشخاص ( الأم -الأب- بنت- ولد)
نستخدم 4ألوان ونخلي كل شخص يختار اللون اللي يبيه ويفضله مثلا (الأحمر للأم -الأزرق للأب- الأصفر للولد -والوردي للبنت)
2- عندكم هذا الجدول:
الفائز بالعشر الأوائل
الفائز بالعشر الأوسط
الفائز بالعشر الأواخر
الأيام: 1 2 3 4 5 6 7 8 9 10 …
العبادات:
الصلاة في وقتها
صدقة
قرآن
أذكار الصباح والمساء
صلاة التراويح
صلاة الوتر
قراءة القرآن
وإذا في أي إضافات
ممكن إضيفينها
(آسفة لأني ما عرفت أسوي جدول وحاولت وايد )
3- بعد ما تسوين الجدول يبتدي التحدي وهو عالآتي مثلا في أول يوم رمضان البنت قرأت القرآن
وفي البداية اختارت اللون الوردي ناخذ لونها وهو الوردي ونحط عند قراءة القرآن علامة مثلا نجمة
والولد تصدق
واختار اللون الأصفر ناخذ اللون الأصفر ونحط عند الصدقة العلامة المحددة وهي النجمة
وهكذا ولكن ننتبه انه جميع المتسابقين يتشاركون في نفس المربع
4- في نهاية كل 10 أيام يتم تحديد الفائز
وهو اللي عنده علامة النجمة أكثر شي ونكتب اسمه في المكان المخصص ونقدم له هدية لتشجيعه والى نهاية الشهر ونشوف منو اللي يفوز بالشهر
وهذي بعض أذكار الصباح والمساء:
1-آية الكرسي تقرأ مرة واحدة ويفضل بعد كل صلاة……..فضلها(لن يزال عليك من الله حافظ ولا يقربك الشيطان )
2- سورة الإخلاص – سورة الناس – سورة الفلق 3 مرات كل واحدة…….فضلهم( تكفيه من كل شئ)
3- اللهم بك أصبحنا وبك أمسينا وبك نحيا وبك نموت وإليك النشور مرة واحدة
منقووووووول
بس عيالي صغار تهئ تهئ
جزاك الله خيــــــــــــــــر
white pearl
.. حـ الإمارات ـلا ..
ويزاج الله الف خير