قبل ما أبدا بموضوعي اللي من زمان ابا اكتبه
اتمنى من اخواتي العضوات بالتفاعل لان هالمشكله مش مشكلتيه انا لاحظت انها مشكلة أغلب البنات
مثل ماتعرفون
أن قوام الموافقة على الشاب المتقدم للفتاة لطلب خطبتها هو الدين وحسن الأخلاق..وهذا هو الذي نص عليه النبي – صلى الله عليه وسلم – نصاً واضحاً صريحاً كما خرّجه الترمذي في السنن عن النبي – صلوات الله وسلامه عليه – أنه قال: (إذا خطب إليكم من ترضون دينه وخلقه فزوجوه إلا تفعلوا تكن فتنةٌ في الأرض وفساد عريض) وهذه هي الصفات الأصيلة التي كما أشرت لا تنازل عنها، فزادك الله توفيقاً وخيرا وفضلاً.
يا بنات اللي يعور القلب في شخص تقدم ليه 3 مرات ومستعد يتقدم لي اكثر ماشاء الله عليه انسان حافظ لكتاب الله وعلى خلق عالي ولكن المشكله يا عزيزاتي بمجرد انه طلع من البيت اعتبروا سالفته مخلصه وياليتهم جاملوني او حتى سألوني ..بعد اسبوع تقريبا اتصل اللي متقدم ليه لأخويه العود وهو انسان كبير ومتعلم دارس براا ..تخيلوا شو قاله ؟؟!!!! عيال عمها يبونهاا (عاد هالجذبه العوده ..لانه بروحه قايل لو تنطبق السما ع الارض مابياخذونج) ولابعد قاله انته مش من مستواناا وكلام قوي لا يرضاه الله ولا رسوله
المشكله يا بنات اني مصليه استخاره لها الانسان ومرتاحه اكبر راحه ومنو منا اصلا ماتبا ريال يخاف الله فيها ؟؟!!!! واللي خلاني احس بأمل هو انه ابويه موافق لكنه ريال كبير واخويه يمكن متأثر الا اكيد بكلام ولد عمي اللي تبلى عليه في اغلى شي ممكن تملكه البنت وهي سمعتيه ووالله الكل ما صدقه الا اخويه العود والدليل لجذبه انه قايل السالفه لكل واحد وكل سالفه مختلفه عن الثانيه…
شو ذنبه انه من جبيله وانا من جبيله ثانيه ..اي دين يرضى بها التفريق والتمييز..اللي يذبح انه للحين يباني لكن انا اشوف لكل ريال كرامه
كيف ممكن احل مشكلتيه يا بنات..!!
والله يعلم اني مرتاحه كل الراحه واحلم احلام تبشر بـ خير بإذن الله
انا قلت لأخته تخليه يشوف نصيبه لكنه رفض
اعرف محد ياخذ الا نصيبه من هالدنياا..والله وايد يخطبوني وهو يقول لأخته (صلي استخاره ..انا اعرف انج مابترتاحين لغيري) وسبحان الله صدق يطلع فيهم شي واهلي يرفضون
كيف اقدر احل مشكلتيه !!
في هيئات او وسيط يقدر يحل السالفه؟!!
بنات لاتلومني..انا فقدت اهليه ..فقدت الثقه ..فقدت احلى تملكه البنت..فقدت اخويه العود اللي طلع من البيت لانه صدق كلام ولد عمي الي مايخاف ربه
مرات احس هالسالفه باب خير ليه لانها قربتني من ربي وايد
صدقوني الكلمات خانتي واعرف اني مابقدر اوصل لكم احساسي بس مايمنع استفيد من اقتراحتكم عل وعسى استفيد منهاا واتمنى اشوف دعوه صادقه من قلب كل وحده
وتذكروا
(المحبين بين أصابع الرحمن)
لمار
الاستخاره انج اتصلين وتمضين في الموضوع اذا تم هذي الخيره
واذا ماتم خيره
هالريال يا لمار لو هو من نصيبج صدقيني لو وقف في طريجج منو ماكان صدقيني صدقيني بتاخذينه بتاخذينه
اما لو ماكان من نصيبج (لاقدر الله) ما بتاخذينه لو قطعتي عمرج من الصياح ومن اقناع اهلج
حبيبتي
انتي اللي عليج انج تكثرين الاستغفار
وتوكلين ربج توكيل خالص لوجهه
وتقولين ياربي انا وكلتك وراضيه باللي تقسمه لي
ورب العالمين بيتمم لج اذا هالشي مكتوب وبيرضيج بالزواج من هالانسان
ولو مب مكتوب بيصرف عنج هالريال وبيعوضج بأحسن منه وبعد بيرضيج
احمدي ربج ع الخير والشر و ع السراء والضراء
الله يحب الشاكرين لنعمه ويرزقهم من فضله زود
مابطول عليج وان شاء الله يكون من نصيبج ونشوفج عرووس يارب وبدعي لج ان شاء الله
اختج :
حرم المهيري
اذا ربي كاتب لج نصيب معاه بياخذج
الله ييسر لج امرج ويكتب لج الخير ويرزقج بالزوج الصالح اللي يستر عليج ،،،،
الله ييسر لج امرج ويكتب لج الخير ويرزقج بالزوج الصالح اللي يستر عليج ،،،،
اعرف ان اذا هالريال من نصيبج بتاخذينه يعني بتاخذينه
واذا لا ترى ربي بيبعده عنج
ولا تياسين من رحمة ربج
والله يعينج
الله يعينج اختي ويقدم لج الخير واستمري في رحلة الاقناع ودخلي حد جريب منج ومن اخوج عسب يقنعه و ما يعرف انج انتي اللي مطرشتنه (امج مثلا)وان شاء الله يقتنع وبشرينا عاد