شحالكم اربكم بخير
بنات احس عمري فورطه ومب قادره ارتاح :.(
بدخل بالموضوع ع طول مافيني على مقدمات
من كم يوم يوم اني فالجامعه كنت فالكلاس قاعده ومافيني شي
وقمت طلعت فلاشي وركبته على الكمبيوتر مال الجامعه بدون ما السير يلاحظ
ويوم يه قريب سكرت الصفحه مال الفلاش ومشى الموضوع عادي
المهم اليوم وانا ازهب اغراضي عشان الجامعه
انتبهت ان الفلاش مب موجوود …!!!!
دورته فالشنظه دورته فجينزاتي دورته بكللل مكان مالقيته
المصيبه عاد ان الفلاش فيه كللل اشيائي الخاصه
وكنت ابي استخدمه بس عسب احفظ فيه ملفات للسير عسب اخلصها فالبيت
كلل صوري وصور ربيعاتي وفيديوهات حفلاتنا وصور اهلي وقرايبي
ويوم رحعت السكن قعدت ادوره بالاغراض مالقيته بعد
من الصبح وانا منهاره ومااادري شسوي
البنات امنولي وانا ظيعت الفلاش واخاف يطيح بيد وحده بنت حرام وتسوي فيه شي
والله احس اني بموت لو صار عليه شي ولا شي من الصور انتشر
والله مب قااادره ارتاح من الصبح وانا على صياح وخوف وحالتي لله
احس اني لو مالقيته باجر بالجامعه بمكانه بموت من الصدمه ..!!
مب عشان شي بس مابي حد ينأذي من وراي وهم امنولي ..!!!
والله ني خااايفه لا اقدر آكل ولا اشرب ولا اوقف صياح ولا ادرس ولا حتى اخمد ..!!
مابي حد يتأذى ولا حياته تخترب والسبة اهمالي :.(
ابي منكم بس انكم تدعوون انه يرجع ومايضيع ولا يطيح بيد وحده بنت حرام
واللي عندها حد من بنات الجامعه وسمع عن فلاش ضايع ولا لقوه بكلاس دخيلكم خبروني
اللي بتدعيلي عسى ربي يوفقها دنيا وآخره وربي يعطيها اللي فخاطرها ويطول بعمرها واعمار اللي تحبهم يارب
وان شاء الله يااااااارب القاه ياااااااااارب ياااااااارب ياااااااااارب :.(
رددي لا حول ولا قوة إلا بالله كثر ما تقدرين..
واقري سورة الضحى مرارا وتكرارا….
وتفاءلي…إن شا الله تلاقينه….
والسموحة على ها الكلام
بس يا ليت تتعلمين من ها الموقف…
الغالية محد يأمن يحط صوره بمكان ها الأيام…حتى على لابج أو موبايلج ما تأمنين..
فجيف بصورج وصور هلج وربعج…
اعزمي نيتج ما تصورين حد منهم ولا ترضين حد يصورج لو من أهلج ويحتفظ بالصورة…
أحوط وأأمن
وأبعد عن المشاكل…
وإن شا الله تلقينه بمكانه…وتتطمنين
اختي كثري من دعااء
اللهم استررني فووق الارض وتحت الارض ويووم العرض واستغفري بنيه انج اتشووفين الفلااش
وما يطييح في ايد وحده ما تخاف ربهاا…
استهدي بالله وريحي بالج شوي
وفكري انتي اخر مره وين حطيتي الفلاااش ؟؟
ان شاء الله بتلقيه بس ركزي شوي متى اخر مره شفتي الفلاش او حطيته مكان
ان شاء الله تحصلينه وتنحل مشكلتج
ادعي ادعي حبيبتي وانشالله الله بيفرج همج وبتلقينه
..
وانا من راااي اذا لا سمح الله ما لقيتيه اطبعي اوراق ولزقيهم ب طووف الجامعه انه ضايع منج فلاش وجي واللي تلقااه تتصل ع هالرقم وانشالله بيصير خير..
وطمنينا عليج غاليتي