مثل ماشفتوا بالعنوان انا ماعرف كيف يصلون صلاة القيام
و شو الفرق بين صلاة القيام و الوتر ؟؟
علموني بس ماابي موضوع منقول ابي بشرحكم احسن
انا في بالي اصلي دوم خمس ركعات و شو اقرا ماعرف و كم تشهد و متى نسلم
جاوبوني بسرعه
الغاليــــه ,,,, ربي يوفقــج لما يحــب و يرضى ,, ما شــاء الله عليــج ^^
قيام الليل:
قال تعالى: { تَتَجَافَى جُنُوبُهُمْ عَنِ الْمَضَاجِعِ} [السجدة:16]
قال عليه الصلاة والسلام: {عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد } [رواه أحمد والترمذي وصححه الألباني].
1- مـــن الأفضــل أنــج تصليــنها في الربع الأخير من الليل ,, يعني قبل صلاة الفيــر بنص ساعه أو ساعه
2- تكـــون ركعتيـــن أو أريع
كما قال الرسول صلى الله عليه وسلم : "صلاة الليل مثنى مثنى"
3- يفضــل تقريــن فيها السور الطوال
4-أنــج إطوليـــن في السجود والركوع بالدعااء
ويوم تخلصيــن تصلــين قيــام الليل,,,
تصلين ركعتيـــن الشفــع " ركعتيــن بعدين تتشهديــن و تسلميــن "
وعقب تصليـــن الوتر "ركعه وحده و يوم ترفعيــن من الركعه تقوليــن دعاء القنوت و عقب تسجدين " مرتين " وتقولين التشهد و تسلميــن ….
وإن شاء الله أكون وضحتلــج 
,,, وإذا عندج أي إستفســار راسليــني ع الخاص
اللهم أعنــا على ذكــرك و شكــرك وحســن عبادتــك
انا بـ علمج
الصلاه تجوز من بعد صلاة العشآء ليــــــــــــن قبل أذآن الفجر ..
وأفضل وقت فيهآ هو الثلث الاخير .. الي هو قبل ساعه او ساعتين من أذان الفجر
لان سبحآنه ربج بـ هالوقت ينزل الدنيآ ويسأل عبآده هل من سآئل فأعطيه ؟ هل من دآعي فأستجيب له
الحديث صحيح
ينزل الله تعالى – نزولا يليق بجلاله ولا يخلو منه عرشه- إلى سماء الدنيا في ثلث الليل الآخر ويقول: هل من مذنب فأغفر له، هل من سائل فأعطيه هل من كذا هل من كذا حتى يطلع الفجر.
وصلاة القيآم تصلى مثنى مثنى .. يعني ركعتين وتتشهدين وتسلمين .. ركعتين وتتشهدين وتسلمين .. مثل ركعتين الفجر
وطبعآآآآآ لا تنسين الدعآء فيهآ ..
الدعآء تقدرين تدعينه وانتي سآجدهـ وهآ أحسن شي لان اقرب مايكون العبد لـ ربه وهو سآجد
وتقدرين تدعين بعد التشهد وقبل السلام ..
لا تنسين قبل البدء بالدعآء .. حمد الله وشكره والثني عليه ثم الصلاه ع رسوله عليه الصلاه والسلام ثم الدعآء بمآ تريدين ولا تنسين اخوآنج المسلين .. ^^
نسيت اقولج .. تقدرين تمسكين القرآن وتقرين من منه بـ صلاة قيآم اليل ^^
وعقب مآتصلين القيآم وتخلصين .. تصلين ركعة الوتر ..
الوتر ركعة وحده ..او 3
اذا صليتيها ركعة .. تقرين الفآتحه . بعدين صورة الاخلاص بعدين قل اعوذ برب الفلق بعدين قل اعوذ برب النآس
وتركعين .. ويوم ترفعين من ركوعج تدعين دعآء قنوت الوتر
اكتبي فـ قوقل دعآء قنوت الوتر بيطلع لج اطبعيه وتقدرين تقرينه من ورقه لين تحفظينه ان شاء الله ^^
وبعدهآ تسجدين وتتشهدين وتسلمين
ووووووووووبس
ان شاآء الله اكون فـدتج وربي يعينج ويثبتج ع قيآم الليل
والله ثم والله انهآ رآآآآآآآآآآآحه ^^
لا تنسين خويتج من الدعآء ولج بالمثل ان شآء الله
واذا في شي مب وآضح
او بخآطرج شي تسألين عنه
رآسليني ع الخآص لو تبين ^^