بناااات راك عندي استفسار عن مدرسة رمسيس الانجليزية الخااصة؟

عندي استفسار بخصوص مدرسة رمسيس الانجليزيه الخاااصة
-راس الخيمه

شو ااراأكم والي تعرفونه عنه ؟
انا مدخله ولدي روضه ك جي 1 عندهم
بس ما اعرف عن المدرسة اي شي غير ان الاهل كلهم مدخلين عيالهم نفس المدرسة وقلت انا وراهم بعد

الي تعرف عنها شي لا تقصر وتكتب لنا
استفساري حولين السعر والدراسة بشكل عمومي

الغالية جان سألتي اللي مدخل عيالهم هناك مادام تقولين الأهل كيهم مدخلين عيالهم

اذا بقيتي شي عن الانجليزية فالج طيب لاكن رمسيس سامعة عنها انها أوكي بس مادخلت عيالي هناك

ننتظر اللي يفيدنا للمستقبل ان شاءالله

عيال اختي فيها ,, ما شاء الله تأسيسهم واااايد اوكي .. وايد يهتمون بالانجليزيه .. عن الاسعار صراحه ما اعرف ..

شكرا ع الرد

الي اسمعه دوووم يقوولون اوكي بس
خااااطري اعرف اشياء اكثر

عن السعر اليوم رحت وسجلت ( 4170 )
شامل اللبس والباص

والله المستعااان

تعليمهم قوي بس وايد يكرفون واجبات
ومبناهم تعيس

صدقتي مبنااااهم تعيس للغاااايه

اليوم يوم سرت كانوا يصبغوووون في الميرحااااناااات القديمه
وما شفت العااااب تسر الخاااطر
وصبغ المدرسة ,,,, شي يفشل الصراحه لا لوحاااات ولا ترتيب ..جني داخله مزرعه مهجوره

بس ان شاء الله يطلع تعليمهم زين

يقوووولون لي لا يغرك المظهر ترا الجوهر شي ثاني

يصير خيييير
الي في الجدر يطلعه الملاس

تدرين هالسعر بيكون دبله اذا دخلتيه الانجليزية

وبالباص بعد زيادة 2400 سيرة وردة

واللبس من غير

القميص ب50 والبنطلون 50 عاد احسبي كم لبسة تبين وللرياضة من غير

مثل ماقلتي بكلتا الحالات الله المستعان