خواتي عندي ولد الله يحفظه ويحفظلكم عيالكم عمره سنه ونص طبيعي والحمدلله ما فيه اي شي… بس لاحظت من يومين كل ما نعطيه شي زاعه بدون سبب حتى الحليب يتم يزوعه ويفرغه وعطيته ماي زمزم مقراي عليه ودوم اقرا عليه واشغله القران 24 ساعه…
رحت توام وعطوه ادويه..
العيايز يقولون فيه الجبد بس ما عرف والله شوه اسوي عشان ياكل شي ولا يزوع..
انصحوني بناااات الله يخليكم اخااف فالنهايه يطيح علينا ويتم بالمغزي…..
اليوم لاحظت فيه انه يمشي شوي ويتم يقعد ويرقد على الارض وكانه فيه بطن وكل ما شليته يقولي حفاظه تعوره يعني بطنه فيها حراره…
بس شو قالولج بالمستشفى ؟؟؟؟؟؟؟؟؟؟؟
عنده اسهال ؟؟؟؟؟؟؟؟؟؟؟
الغلا شوفي دكتور شاطر .. الموضوع ما ينسكت عنه …
سلامته مرة ثانية وما يشوف شر …
حبيبتي صدقهن العيايز فيه جبد خلي حد يمسحه. لا تخافين جربي اذا مانفعه ترا ما بيضره. اذا ماعندج حد.
۱. سخني زيت زيتون يكون دافي.
۲. بندي المكيف.
۳. فسخيه ثيابه واسدحيه ع ظهره.
٤. حط زيت في يدج ابدي من الكتف امسحي لين الصدر ۳ مرات يمين بعدين يسار.
[IMG]
[/IMG]
٥. حط زيت في يدج وابدي من خاصرته لين نص البطن ۳ مرات يمين وبعدين يسار.
٦. حطي زيت في يدج وابدي من اول المدور ع فوق صوب المثانه ( نص البطن من تحت) ۳ مرات يمين بعدين يسار.
۷. حطي زيت وابدي من تحت المثانه ع فوق صوب السره ۳ مرات .
8. امسكي يده اليمين مع ريله اليسار قربيهن من بعض وبعدين يده اليسار مع ريله اليمين كرري 3 مرات مع كل طرف.
9. امسكيه من قدم ريوله واجلبيه ع ظهره.
10. سوي نفس الطريقه الظهر من الكتف لين الصدر وبعدين الخاصره.
[IMG]
[/IMG]
سمي بسم الله ونتي تمسحين.
ان شا الله من تمسحينه ياكل ويشرب ويرد طبيعي.
طمنيني عليه.
خلي وحده من العيايز الى عندكم تمسحه
ولدج يطيح وايد ؟
بس نصيحه مني ودي ولدج اي عياده يسوا له اشعه على راسه
يمكن يكون ولدج طايح على راسه و لا ضربه شي براسه
نصيحه لا تتهاوني سوي له اشعه تتاكدي انه راسه ما فيه شي
انا ما ابا اخوفج بس سوي لي اقوله لج مرينا احنا في هالحاله
و قالوا لنا تسمم و مادري شو
الله يحفظ ولدج