اشحالكن… الله يسعدكم جميعاً
اخبركن عن مشكلة تواجهنا بالبيت وبصراحة صارت فوق المتوقع ووصلت حد المبالغة عدنا اخوي الله يخليه لنا ساكن ويانا بالبيت هو وعياله ومرته الله يخليها لنا وااايد طيوبة وبنت حلال مصفي <<< خخ قلبت مصري
وطبعا بناته بالبيت عنده بنتين الاولى عمرها 7 سنوات والثانية 3 سنوات ( احبهم مووووت )
بس المشكلة ف البنت الكبيرة بما انها الدلوعة بس واااايد فوضوية وعصبية وخوااااااافة وما نعرف كيف نتعامل معاها هي وووايد حبوبة بس ف مراات تريدين تضربينها يعني موقف من المواقف كنا يالسين بالصالة وهي تلعب مع اختها بالممر راحت ضربتها ليش اونه تلعب معاها ولما حد ييي عندنا ما تسمع الكلام ونقعد انا وامها نكلمها انه عيب ما يصير ولازم تسمعين الكلام لكن اذن من طين واذن من عجين وترفع الضغط وتراكض بنص الميلس وحركات.
وهي حركيه كثير غير عن اختها الصغيرة واذا حد كلمها أو صرخ عليها تقعد تضرب راسها بالجدار ما خلينا مطوع ما قرأ عليها وبالمدرسة صوتها مايطلع الا مع صديقتها تتحسسني مرات انها ولد من حركاتها واذا سوت شي وصرخت فيها تروح تشتكي عند اماية ونفس الشي اذا امها صرخت عليها أو حتى ابوها وتخاف من اي شي تسمعه اذا حد مات او تعور حتى اذا صوت مطافي أو أسعاف نشوفها خايفة وقلقانه لحد ماصوت يختفي .
وفي مرة سرنا الصالون قبل شهر كنا عندنا عرس بنت عمتي وخذناها معانا الصالون والصغيرونة عادي امي تسويلها اول ما يلست ع الكرسي قامت تصارخ وتصيح مع انه مب اول مرة تسير الصالون دووم اخذها معاي وما عرفنا شوفيها دقيت ع امي قالتلي رجعوها البيت وياها اخوي الثاني االلي هو عمها وصلها البيت وسكتت والله ما نعرف شوفيها ودايما بيني وبين نفسي افكر اوديها حق دكتور نفسي حق الاطفال اذا شي ف بوظبي واالله قلبي يعورني عليها حتى امها امس من تعبها يلست تصيح وتقول ما اقدر عليها وامي نفس الشي احنا ماشاء الله علينا امي كنا ما ننتظر تكلمنا ع طوول بعيونها نصخ ونسكت ولا نشوفها والحين عاااد مافي مايخافون من شي حتى الصغيرونة هااااادية ماشاء الله عليها بس تتفق مع اختها يصيرون جبهة بروحهم.
االله يحفظهم ويحفظ عيال المسلمين اجمعين
بس بنات طلبتكن تساعدووونا نخاف تكبر ع هاااي الحالة …
الله يحفظها
المشاركة الأصلية كتبت بواسطة rama1988 
الله يحفظها
عرضناها ع دكتور وقال ما فيهال شي صحتها زينة بس حركية شوي .
المشاركة الأصلية كتبت بواسطة @@اليتيمة @@ هههه من ناحية دلوعة دلوعة بس كل يوم بزيادة .