انا دوم اطلب من حرمه تسوي صلصه حاره
تنأكل ويالعيش
من مكوناتها تقريبا طماط وخل وفلفل
وبعد اظن تسويه عالنار
واتم فالثلاجه ايام وماتخترب
بس بنات عجزت وانا اطلب منها منها ومرات ما احصل 
بليز الحبوبه الي تعرف كيف اسوي بنفسي فالبيت تخبرني
يزاكم الله خير
إذآ هو في عندي طريقتين وآحد حآر وثآني بآرد و آلمقادير متشآبهة
آلدقوس آلبارد
3حبآت طمآطم كبآر & قرنين فلفل كبآر & فصين ثوم & ملعتين كزبرة مفرومة & ملح وفلفل أسود
حطيهم بالخلاط كلهم مع بعض وخلطيهم لين يصير مثل الصوص ويقدم بارد وبس
أنا ما اطبخه على النار ما يحتاي ها الدقوس ينأكل وهو بارد مع السليق
الدقوس الحار
نفس المقادير مالت الدقوس البارد و تزيدين عليه ملعقة صلصة طماطم & مكعب ماجي & بهارات مشكلة وكاري
&غطى من الخل الابيض وغطى من صلصة الصويا العادية
الطريقة
في القدر حطي زيت والثوم المدقوق ويشوح لين ما ريحة الثوم تتطلع بعدين نضيف له الفلفل الحار المقطع طبعا
بعدين نضيف له الكاري والبهارات والصلصه الطماطم وتقلب شوي بعيدين نضيف باقي المقادير وخليها تتسبك
بعدين اضيف لها شويت ماء والخل والصويا صوص وتترك تتطبخ ل3 دقايق وتقدم مع الكبسات
وألف صحتين وعآفية ،،، .gif "12 (43)")
مااعتمد الا هي
3 او 4 فلفل حار
3 ملاعق زبادي
طماطه وحده
ذره ملح
حطيها في الخلاط 3 او 4 دقايق
رووووعه اشتهيتها وانا اكتبها 
جربوها بتحبونها