خواتي صارلي كم يوم تعبانه من ريولي من فوق عند أعلى الفخذ أحس بألم فظيع في العظم فجأه صارلي جيه مع اني ماطحت ولا شي … والصراحه ماقدر اسير المستشفى أخاف يسولي أشعه وانا حامل في شهري الثالث وسمعت ان الاشعه خطر على الجنين خاصه ان ها الحمل كنت انتظره من سنين …. تخيلوا حتى الصلاه قمت اصليها وانا يالسه من شدة الالم حتى اذا نمت على السرير وتجلبت احس بألم في العظم … ريلي قالي يمكن يكون عندج شع في العظم 
وقالي بوديج المستشفى بس انا خايفه قلت له لا بصبر على الاقل لين اخلص الثلاث شهور ودش الرابع يعني لين يكبر البيبي شوي لان الحمال بعد وايد تاعبني من اقوم الصبح لين أرقد بالليل وانا تعبانه من الدوخه واللوعه
بليز بنات قولولي شسوي محتاره ونفسيتي وايد تعبانه
للرفع
يمكن فيج شد عضلي لا أكثر ولا أقل … اتوكلي وسيري المستشفى ومن تدخلين قولي الهم انج حامل … يمكن يعطونج مرهم بس …
او انتي جربي حطي زنجبيل مطحون مع شوية حليب وصخنية على النار << ولما يدفا حطية على ريلج وان شاء الله تتحسن …
وانتي حاولي اتنقعين المفصل ( نفس ما اتنقعين أصابع أيدج والا ظهرج) …