بنات العين

بنات ابغي مساعدتكم

منو تراجع في مستشفى الجيمي او اتعرف حد مربي هناك ؟؟ و منو احسن دكتورة؟؟ و غرفهم زينه و لا ؟؟
اتمنى القى مساعدتكم ..

الصراحه ما عندي فكره …بس توام وايد زين أختى ليش ما تربين عندهم؟؟؟

مستشفي توام كنت ناويه اربي عندهم بس بصراحة لما شفت معاملتهم الزفته بطلت لاني راجعت عندهم من اسبوع والدكتوره ما تسر وكنت مربي عنهم ببنتي سنة 2024 ونسو نص المشيمه ورجعت البيت و ارتفعت حرارتي ومرضت سرت مستشفي خاص والله سترها معاي بس بصراحه في الجيمي ما سمعت حد يذمهم وصلي استخارة والله يسهل امره شكلي انا وانتي بنتلاقي في الولاده

الدكاتره زينيين في الجيمي واهتمام بعد هذا الكلام من سنة 2024 الحين ما ادري بس مكانهم الله يعين ما ادري اذا غيرو شي

مشكورين خواتي
انا ما اريد توام لانه معاملته ما تنفع و اختي مربي هناك و ما تمدحهم و قالولي الجيمي اهتمامهم اكثر فقلت اسال بنات المنتدى اللي عندهم خبرة
بانتظار ردود البقية

شوفي اختى … الجيمي احين مسكته شركه اجنبيه يديده والاحظ الكل يمدحه احين …. وفعلا من ناحيه الرعايه اوكيه … بس الغرف العاديه مب شي… بس النظافه عندهم ما شا الله كل ساعه يدخلون عليج وينظفون … بصراحه صدق عكس توام انا يوم ربيت في توام قبل العمليه ترقدت 10 ايام بصراحه مب شي توام في النظافه كانت العامله تدخل علي مره وحده بس في اليوم … وبالنسبه للغرف الخاص في الجيمي احلى اكثر عن توام …..