بسم الله الرحمن الرحيم
السلام عليكم ورحمة الله وبركاته
خـواتي بنـآت الفجيـــره ، ،
منـووه منكن تبـآ تدرس ف غيـر التقنيه وجامعة عيمان ؟
لانه اصلاً ماشي غيرهن ، ،
طبعا انا كنت ف بوظبي وعرست وسكنت ف الفجيره ، وحابه اكمل دراستي ف دبي
( كلية الدراسات الاسلاميه والعربيه )
والكليه ماشي لهـآ مواصلات للفحيــره ،
ف اللي حـآبه تدرس تخبرني وبنجمع اكبر عدد انروم عليه وبنتشارك ف باص خاص يودينا وايبنا
لاتقولون بعيد ، ، لانه مابنحس بالوقت ونحن مجموعه وحلوو يعني بدال اليلسه ف البيت
واللي بتتخص اسلاميه بتحفظ قران واحاديث واللي عربي تراه حلو وادب عربي وشعر وجيه اشيا حلوه
خلونا نحمس بعض ندرس ونتعلم بدال اليلسه ف البيت من دون فايده
و لاتحاتون بترقد ف الباص يمدينا يعني ^^
ف بليييييييييييز خلونا نروح ندرس
شاورا اهلكم وخبروني عسب التسجيل الله يخليكم طفرت من البيت
ما أريد أحبطج .. بس صعب تلقين حد يخاويج
بقولج شي
ربيعتي كانت تدرس في هالكلية أعتقد ماستر
المهم ..
انتي ف البداية سجلي في كلية الدراسات الاسلامية و العربية
و هنااكي .. حطي اعلان في أروقة الكلية للبحث عن بنات من الفجيرة للمشاركة في المواصلات <<– مجرد اقترااح
الله يوفجج
لكن في جامعة الشارجه تابع في خورفكان شو رايكم
بس ما ادري شو مواصلاتهم
ربي يوفقج
ممم كلية خورفكان مال شو ؟ شو من تخصصات فيها ؟
شو اسمها ؟
ها الفرع مالها