بنات .اللي سافروا لاوربا و الغرب بشكل عام .

بنات بغيت اسال يوم تسافرون للغرب شو تلبسون و المتغشيه تتغشا بعد و هل تلبسين شيله و عباه ولا لبس مخصص لها السفرات؟؟؟

اختي الغالية

اذا تغشيتي تلفتين النظر أكثر … و تعرفين انتي نظرتهم كيف … ( ذكرتيني يوم نزلت بعباتي تمو يطالعوني من فوق لين تحت و كأني مرتكبه جريمه !! .. و لما لبست بالطو .. عادي و لا حد يلتف لج )

تحجبي و خليج طبيعية … تروحين و ترجعين بالسلامة

على حسب البلاد اللي بتسيرينها..بس الحين اوروبا اغلبها عرب والاجانب تعودوا على شكلنا بالعبي يعني عادي تسيرين بعباه بس الغشوه ماعتقد..

يالغالية انا اسير بعباتي وشيلتي

بس النقاب والغشوة اشتغني عنها هناك لاني بلفت النظر اكثر….

انا البس عباية وشيله

أنا سفرتي العام سرت بالعباة والشيلة ولا سويت لهم سالفه ، إنتي بس خليج واثقة من عمرج خخخخخ
وأزيدج من الشعر بيت سرت فرنسا (باريس) ويورو ديزني وسويسرا لفيتها طول وعرض وألمانيا (ميونخ) وإيطاليا (ميلانو) ودخلت النمسا وليشتنشتاين ومشيت في الشوارع وسرت المتاحف والمطاعم وكله بشيلتي وعباتي وسويت لهم طااااااااااااااااف مرة وحدة ، تمينا شهر نحوس في أوروبا ، أحلى شهر في حياتي ^_^

إن شاء الله تستانسين وتردين بلادج سالمه غانمه والله الله بالصور

اسير بعباتي واسكارفات ،،واحس الاوربيين اتعودوا ع لبسنا وماقاموا يستغربون شرات قبل،،احيد الوالده الله يرحمها ماسوتلهم سالفه لبست برقعها في لندن ،الله يرحمها،