هلا خواتي
الاسبوع اللي طاف جربت اسوي سيزر سلط
قطعت الخس والتوست وشويت ديايه وقطعتها خلطهم مع بعض وحطيت معاهم كريمة سلطة من "هاينز" …
طعمه كان حلو بس هالكريمة اتكون حامضه وايد ..حد جرب اي سوس ثاني ؟
تحياتي
انا بروحي اسوي صلصه ومقاديرها :
3 ملاعق مايونيز
ملعقتين كرافت كاس
ليمونتين او حسب الرغبه
علبه كرافت شيدر اصغر حجم مبشور
ربع فص ثوم مدقوق
رشة ملح
رشة فلفل اسود
تخلطين جميع المقادير ماعدا كرافت شيدر المبشور
وتحطين الخلطه على السلطه وتخلطين
والشيدر المبشور تنثرينه على الوجه قبل تقديم السلطه
===
ان شاءالله تعيبج طريقتي لاني دوم يوم اسويها ينشدوني عنها
اخلطي تتبيله السلطة من كنور + ميونيز
و الطريقة الثانية: في الجمعية صوب غراش الميونيز بتلاقين صلصة جاهزة اسمها ثاوزند ايلاند thousand island
اسالي بيعطونج ياها على طول.
و في مكتية جرير في كتب الطبخ الصغيرونه في كتيب خاااص بالتتبيلات …. رهيييب اذا كان لج مزاج و عندج وقت , لان الاشيا اللي قتلج ياها تعتبر جاهزة
سبينس عندهم سيزر سلاد صوص
بس اياليهم و هم بيعطونج
عجيب طعمه