بنات بفضفضلكم بس رجاء حطو أنفسكم مكاني عند الرد بليييز

أنا الحلوة المرة و اليكم ماساتي أنا تزوجت من ثمانية عشر سنة و بعد سنة رزقت اول بناتي و بعدها الثانية و بداءت المشاكل بينا لعدة اسباب منها المنطقي و منها التافه و بعدين زادت المشاكل بعد ما ضيع دراهما بالأسهم ولا اشترى بيت و لا امن مستقبل عياله عناد فيه المهم أنا الحين عندي ثلاث اولاد و ثلاث بنات صبرت كثير عشانهم حتى بعد ما تزوج علي لأني صرت ما اطيقه و للأسف كل ما بغيت الطلاق ما يصير حتى صار عندي ستة اولهم عمره 17 و آخرهم عمره سنة و أنا افكر الان بالطلاق بجدية ايش رايكم يا بنات أنا ماني صغيرة و لا كبيرة أنا الان على مشارف الاربعين يعني افكر الان أني على الاقل اشوف حياتي ليش ادفن نفسي بالحياة العيال بيكبرون ان شاء الله و كل واحد لينشغل بالحياة سواء بنت او ولد لكن أنا من يونسني بالحياة و اشاكه و يشاركني الايام و الليالي بحلوها و مرها و ارتمي بحضنه الدافي أنا إنسانه لي احتياجاتي الخاصة أكيد فهمتو ايش اقصد مثل اي أنثى تبي تشعر بانوثتها بالله يا بنات هذه ماساتي عطوني آرائكم أختكم المحبة حنان *

والله اختي أنا حاسه فيج بس فعلا سؤالج صعب .. استخيري وان شاء الله ربج بيفرجها عليج

والله اي قرار راح يأثر ع حياتج سواء تطلقتي او قررتي تمين جسد فقط بلا روح
انصحج تشتشيرين اخصائيه نفسيه و علم اسري و على اساسه بتتخذين القرار السليم ..
و الحياه تستحقين انج تعيشينها مرتاحه .. لي متى بتم العربيات بعد الاربعين محتاجه للزةح
و والزوج في حضن اخرى للاسف لابد انج تسوين موقف حازم يا انه يتغير يا الطلاق
استشيري مختصين و استخيري و الي فيه خيره لج ان شاء الله بيصير ..

اختى استخيري الله في امر الطلاق

انا ا مانصحج ابدن ابدن في الطلاق لانه ما شاء الله ام 6 عيااال تتوقعين بسهوله بتحصلين زوج اختي النصيب بيد الله ويمكن تحصلين بس مجرد افتراض ماحصلتي شو بسووين اختي؟؟؟ العيال بيتزوجون وانتي وين عقب؟؟؟؟

على الاقل الحين اسم متزوووجه لج ظهرر وظل اذا ماتزوجتي بتمييين من غير رياااال….وفوقه اسم مطلقه ونظرة الناس ماترحم يااختي….
صحيح هو مايعطيج كمل حقوووق بس يكفي عيال يقولون بابا ويجوفووون ابوهم جدام عينهم وباجر بيكبرووون البنااات يبون ابوووهم حتى لو معاج مب اووكيه اليهال يبون ابووهم لي تزوجو وصادفو مشكله مع ازواجهم الام ماتكوون رياااال امام رياااال لا الابو بيحل مشاااكل بناته مع ازواجهم وبيخاااف لانه بنتج وراها ظهررر….فكري فالعياااال اختي

انتي في هالفتره اشغلي نفسج بالعباااده والطاااعه خلاص كبرتي اختي واشغلي نفسج مع عيااااالج درسيهم واهليهم وكبريهم خلي املج بالله كبيرررر وادعي ليل ونهاااار انه يصلج لج ريلج

وحده من الاهل كان نفس قصتج بضبط اختى صبرررة على الحلووه والمررره وهي نفس عمرج ونفس عدد عيالج كانج ترمسين عنها وعرس عليها صبرررررة وصبررررره ودعت الله واااااااايد صبرررة حتى على الضرب وعلى المصررروف وكل شي صبرة فوووق 8 سنين واكثررر وتدعي وتدعي انه الله يصلحه

الحين هي ما شاء الله تبارك الرحمن اكثر من ثااانيه لانه عيااااله كباااار يسولفون معااه يضحكون ذيك عيالها يهاااال وهوو كبررر يبغي يسووولف رجع لهاا بفضل الله والدعاااااء والصبرررررررر ثم الصبرررررر ثم الصبررر اقول لها تتذكرين ايامج قبل تقووول ذقت المرررر والله

واذا تبغين نصائح اكثر حاوريني على الخااااص

الطلاق ما يستوي بدون سبب مهم مثل ان يكون عاصي ربه او بعيد الشر يشرب ما يصلي و هالاشياء
قال صلى الله عليه وسلم : اذا سألت الزوجه الطلاق في غير ما بأس فحرام عليها رائحة الجنة

و حذر عليه افضل الصلاة والسلام من كفران العشير وهو التنكر للزوج فيخبر انه راى اكثر اهل النار من النساء فلو احسن اليها الزوج الدهر كله ثم رأت منه شيئا قالت ما رأيت منك خيرا قط .
واللي صبرج هالسنين كلها وخلاتج تجيبين عيال بيصبرج الباقي
عليج بالدعاء و الصبر و التحسب بالاجر
ومافي حد كامل ما تعرفين الزوج الثاني كيف بيكون تقبلي غيرج بمحاسنه وعيوبه وكلنا لنا عيوب
والله يوفقج يارب

اولا شكرًا للجميع على التفاعل بس اللي تقولي كبرتي أنا توني بجمالي و لي يشوفني ما يعطيني حتى عشرين الحمد لله و أنا رياضية بعد و اذا على النصيب هذا شي بعلم الغيب لا أنا و لا انت نقدر نحكم عليه و العيال ان شاء الله أني بتم على تواصل معهم بكل الوسائل و بنربيهم سوا هم مالهم خص سواء مع بعض او لا و بعدين مثل ما قالت الاخت فوق ليش أتم جسد بلا روح و بالنسبة للي تطلقو معقولة كلهم أزواجهم يا يشربون يا ما يصلون يعني اللي يصلي و يهيننهازوجها و يضربها هذا زين و اللي قالت حديث السول عليه الصلاة و السلام هل كان الرسول عليه الصلاة و السلام يضربهم او يظلمهم او يهنئهم ما شرع الله الطلاق الا اذا الحياة و العشرة صارت مستحيلة و لكن ما اقول الا الا الله يقدم الي فيه الخير و يبعد عني الزلل يا رب

هل في احد ببالج مفكر يرتبط فيج ؟