السلام عليكم شحالكم بنات
بنات ابا اسأل محد يعرف وحدة حملت ع الإلتهابات عادي ولا لأ يضر الجنين ولا لا أي حد عندها فكرة تخبرني ولاتبخل علي ؟
انا بعد اخر دوره لي قبل الحمل وقبل حتى ماعرف اني حامل كان فيني التهاب فضيع بس عالجته بروحي كنت ايلس في حمام دافي واحط ملح واستخدم غسول خاص اسمه سيتال ووقفت شوي الجماع لين ماهدا الوضع وخاز عني لا تحاتين بس راجعي الدكتوره اذا كان في حكه و رائحه
لا حبيبتي ما يصير تربين بالإلتهابات … اذا كان فيج التهاب بول فهذا الشي عادي .. اشربي ماي وبيروح بالتدريج بدون ادويه وبدون خرابيط … اما بالنسبه لإلتهاب المهبل فلاااازم تراجعين الدكتورة لانه مول مب زين لج وللبيبي
المشاركة الأصلية كتبت بواسطة 0موني0 
السلام عليكم شحالكم بنات
بنات ابا اسأل محد يعرف وحدة حملت ع الإلتهابات عادي ولا لأ يضر الجنين ولا لا أي حد عندها فكرة تخبرني ولاتبخل علي ؟
تعرفين أنا ألحين فيني التهاب وبروح للدكتورة وخايفة أكون حامل لأن موعد الدورة الأسبوع الياي 
المشاركة الأصلية كتبت بواسطة um-a7md انا بعد اخر دوره لي قبل الحمل وقبل حتى ماعرف اني حامل كان فيني التهاب فضيع بس عالجته بروحي كنت ايلس في حمام دافي واحط ملح واستخدم غسول خاص اسمه سيتال ووقفت شوي الجماع لين ماهدا الوضع وخاز عني لا تحاتين بس راجعي الدكتوره اذا كان في حكه و رائحه
أختي… um-a7md…
يعني كان فيج التهاب وبعدين اكتشفتي انج حامل…لأني ألحين أعاني ان فيني التهاب وخايفة أكون حامل!!!
المشاركة الأصلية كتبت بواسطة qa6wa لا حبيبتي ما يصير تربين بالإلتهابات … اذا كان فيج التهاب بول فهذا الشي عادي .. اشربي ماي وبيروح بالتدريج بدون ادويه وبدون خرابيط … اما بالنسبه لإلتهاب المهبل فلاااازم تراجعين الدكتورة لانه مول مب زين لج وللبيبي
وعليج السلام ورحمه
هلا اختيه ما يضر اذااا كان فيج التهاااب وطلعتي حامل هم بيعالجونج من يعرفون انه فيج التهاااب … وبتوفيق فديتج ^^
لازم تعالجينه ..مايصير تحملين وفيه التهابات لان الجنين يبدأ يتكون ..الله يشفيك يارب
ما أنصحج تهملين نفسج..أول شئ عالجي الإلتهابات..بس كتجربة أنا كانت فيني إلتهابات فظيعة قبل الحمل..وتمت وياي لين ما ربيت و كل يوم أخس عن الثاني..بس طبعا أنا ربيت بعملية "مش بسبب الإلتهابات"و بعد الربى الحمد لله كل شئ تمام..وأنا و البيبي بخير..طبعا كل شئ بإرادة رب العالمين