بنات جامعة الامارات ممكن نصيحه ؟؟

السلام عليكم ..

بختصر الموضوع

انا خريجة ثانويه 2024 نسبتي 81 أدبي .. درست بجامعة الشارجه بس ما توفقت فيها مع اني شاطره ..

المهم الحين انا من 3 سنوات فالبيت لا شغل ولا شي ..

ابا اقدم على جامعة الامارات هالسنة .. صح انها بعيده وايد علي .. بس عالاقل احسن من قعدة البيت ..

هل يقبلون شهادة 2024 ؟ والا حالهم حال الجامعات الثانيه يقبلون شهادة 3 سنوات وما فوق ؟

و شو رايكم فيها من ناحية الدراسه ؟

بصراحه دراسة جامعة الشارجه كانت سهلللللللة .. بس انا ما شديت حيلي للأمانه

و ماقدر ارد الجامعه لاني انفصلت بسبة المعدل .. والا ودي ارد لها لو سنحت لي الفرصه ..

و شو رايكم فجامعة الامارات من ناحية السكن ؟؟

اتمنى تفيدوني باللي تعرفونه ..

لأن في بنات يقولون لا تدشين و الدراسه صعبه و كله بالانجلش و السكن أرف ووالخ

و في بنات يقولون بالعكس مافي اسهل منها .. والدراسه حلوة .. والانجليزي اللي عندهم بسيط .. انا الحمدلله شاطره بالانجلش .. بس عاد مب 100 %

انصحوووووووني لو سمحتوا :*

و مشكورات مقدما ^^

up

up

up

ما انصصحج بهالجامعه -_-

اووه

ليش !!

اذا كنتي توب فالانجلش فبتنجحين باذن الله
لان دراستهم بدت تصعب شيئا فشيئا خخخخ
وانا حالي من حالج طلعت من جامعة الامارات بسبت هالانجليزي
والسكن على ايام دراستي كان لوعة بس الحين ماعرف لان انتقلوا
سكنات يديدة وكنت اسمع عن بلاوي البنات وايد(الله لايبلينا ياارب)
وبسس

وعليكم السلام اختي
اول شي ما اقدر افيدج بموضوع دفعتج يعني اذا يقبلون او لاا
ثاني شي عن الدراسه صح انها بدت تصعب شوي لكن بتشدين حيلج بتفلحين >> توكلي على الله
ثالث شي موضوع السكن احلى شي فالجامعه واللي كان يخفف علينا من هم الدراسه هو السكن
بس بشرط يكونن ربيعاتج تعرفيينهم يعني او شلة زينه وكل مكان فيه الزين والشين صح شي بلاوي بس انتي خلج مع الفالحات او في حالج محد بيضرج بشي>>> بعد توكلي على الله وشوفي اذا ارتحتي كملي واذا ما ارتحتي اطلعي
اتمنى اكون افدتج بشي >>> اكيد استفدتي وايد ههههههه

موفقه الغلا