انا في جامعة زايد اللي في دبي و أول سنه لي
وانا الحين في اللفلات و حاطيني لفل4 المهم امتحنت و كل شي والله كنت شاده حيلي
اكتشفت اني راسبة ، سرت شفت دراجاتي قالولي انتي مزفته في اللسنق والريدنق ، والحين حاطيني نفس اللفل و الله نفسيتي تعبت لدرجه اني مب قادرة اسوي شي لاعت جبدي خبروني شو اسوي تراني تعبت وايد
اختكم : أم زايد
الله يسامحكم
الله يوفقج
قلت شو الفايده اضيع سنه او سنتين من عمري عالفاضي وفي اللفلات يعني اقل شي يبالي 6 سنوات لين ما اتخرج !!!
اربيعاتي كانوا وياي سنة 2024 انا طلعت من الجامعه واشتغلت وضمنت شغلي الحمدلله والحين اول سنه في جامعه خاصه وهم توووهم امخلصين التوفل وبيدرسون جنرال وعقب 4 سنوات بيدورون شغل الله يعينهم
حبوبه فكري في مستقبلج احسن ولا تضيعين وقتج بهالطريقه في اللفلات
جامعة زايد الي اتروحها لازم يكون عندها توفل ولا ايلس عشان تمشي وما يضيع وقتها في اللفلات والريدينس
انتي الحين خلي هاي آخر فرصه لج شدي حيلج قد ما تقدرين وحاولي اتييبين التوفل ولا الايلس من برا
انتي شدي حيلج وايد وخلي الكلاس ورك كله فوق 80 جيه يعني وشدي حيلج بالمتيرم يعني لا تخليه اقل عن 75
ولو كنتي اوفر اول قبل الفاينل كله عندج يعني فوق 75 ولا اقدر اقولج احسن شي فوق 78 تظمنين النجاح شوي يعني
شدي حيلج بالامتحانات وايد وحاولي تسجلين عن التيوترن في المكتبه واستغلي وقت بريكاتج في هالشي واي شي سألي السير او المس عنه وما بيقصرون فيج
وبالتوفيج خيتي انا تميت سنتين في اللفلات واللحينه الحمدلله جنرال في وحدة اعرفها 3 سنوات في اللفلات
وان شاء الله انتي ما اتمين الا سنه يعني =)
كل مره امتحن الايلس واييب 5.0 يعني ناقصتي 0.5 نص درجه ,,
فأنصحكم انكم تآخذون الايلس برع ومن جي تقدرون اطوفون كل الليفلات ,, وع طول جينيرال ^^
وبالتوفيييييييييييييييق ,, لكن
وادعن لي يقبلوني باجر ف تقنية دبي ^^