بنوتات الله يوفقكن انا اليوم رحت العطار وخذيت اغراض منه ع اساس اسوي لي خلطات
لان عندنا مناسبة ان شاء الله ..
المشاكل في جسمي وويهي .
1 – عندي روؤس سودا في خدودي وخشمي
2 – مسامات خدودي مفتوحة ومبينه
3 – كوعي وركبي مب نفس لون جسمي
4 – المنطقة الحساسة مب فاتحة
وخذيت من العطار
1 – زيت اللوز المر
2 – كركم للجسم
3 – جلسرين سائل
4 – زيت الخردل
5 – دم الغزال
6 – نيل
7 – صندل
8 – نبات السعد
9 – جنين القمح
شو ممكن اسوي خلطات عسب احطيها على جسمي وويهي وتفيدنا مع الاستمرار
الله يجزيها خير اللي بتساعدني ويوفقها لاني واايد متضايجة
الكركم اذا كان اصلي مب مغشوش بيبيض لج المناطق الداكنه
جنين القمح لحب الشباب والبثور بس نصيحه سوي بخار لويهج بين فتره وفتره واستخدمي ابرة الروؤوس السوده خاصه للخشم لانه ما يطلع بسهوله عقب للوقايه حطي هالزيت
الجلسرين للترطيب
اللوز المر يشد المسام
نيل يبيض
بس كله يبا استمرار يعني مب سحر اليوم الواحد
ما انصحج تخلطين لان في زيوت بارده وفي حاره فاذا خلطتيهم بدون خبره بتضرين بشرتج بدال ما تفيدينها
على فكره الكركم اعجنيه بماء ورد يكفي
يعني مثلا كركم مع ماي ورد واستخدمه مثلا للجسم والفترة ….
وباقي المكونات لاني مب عارفة ابا وحده تكون مجربه شي واستفادت منه وتقول لي اخلطي جيه مع جيه
يزاج الله خير واشكرج لانج رديتي فديتج
زيت جنين القمح واايد يمدحونه للهالات السودا حطي شي خفيف منه قبل النوم
النيل خلطيه ويا ماي الورد الكميه اللي تبينها ووزعيها على جسمج وويهج مثلا قبل السبوح او قبل النوم
وبالنسبه لنبات السعد قريت خلطه وبحطها لج ^_^
نبات السعد من الأعشاب التي تقل نمو شعر الجسم، تستخدم بعد إزالة الشعر في نفس اليوم أو ثاني يوم على الاكثر ليستفاد منها الجسم والمسام مازالت مفتوحة؛ سواء بمغلي نبات السعد أو بالكريم، هنضعه على الجسم في الأماكن التي تم إزالة شعر منها ويجب الاستمرار عليه من 4 : 5 أيام بعد ازالة الشعر
المقادير:
– ملعقة كبيرة لانولين أو فازلين
– 2 ملعقة صغيرة مطحون نبات السُعد
الطريقة:
هنحط اللانولين على النار لحد ما يسيح، وبعدين نضيف عليه نبات السُعد، ونرفعها من النار ونقلّبها بسرعة، وبعدين نصبّها في أي علبة.
هنحط من الكريم ده بعد ما نعمل السويت ونسيبه لمدة ساعة أو ساعتين، وبعدين نشطف جسمنا قبل النوم، ونستمر عليه لمدة من 4 : 5 أيام.
اوكيك ^_^ واني احين للويه :
للرؤوس السودا انصحج بسكراب الجاهي الاخضر من بوودي شووب وااايد ممتاز عن تجربه 
… وخذي التونر الجاهي الاخضر
ويوميا استعمليه مرتين عقب ماتغسلين ويهج او تقدرين تاخذين قابض المسام من هيملايا بعد حلوووو وبتلاحظين فرق بأذن الله بس مهم
عقب كل خطوه تسوينها سكراب او ماسك لاااازم تووونر يالغلا
وبالنسبه للركب والاكواع وقت السبوح سوي سكراب زيت زيتون وشكر وااايد ممتاز ودوم انصح فيه وعقب ماتخلصين فركي جسمج باليفه المغربيه وبتشوفين نتيجه بسيطه ان شاء الله من اول مره
وعقب السبوح رطبي جسمج باللوشن اللي يناسبح حبيبتي دايما دايما رطبي جسمج عقب كل سبحه
وبالنسبه لدم الغزال والصندل ماعرف بصراحه ان شاء الله الخوات يفيدونج ^^